الەمدەگى ەڭ ءىرى ينۆەستيتسيا قازاقستانعا سالىنادى - باقىتجان ساعىنتايەۆ

«جاقىندا مەن امەريكا قۇراما شتاتتارىندا بولىپ، «شيەۆروننىڭ» باسشىسى ۋوتسون مىرزامەن كەزدەسكەنمىن. سوندا ونىڭ ايتقانى، 25  جىلدىڭ ىشىندە قازاقستان قالاي ءوستى، «شيەۆرون» دا سولاي دامىدى. الداعى ۋاقىتتا كومپانيا ءوز وندىرىستەرىن كەڭەيتۋ اياسىندا 39 ميلليارد دوللار كولەمىندەگى ينۆەستيتسيانى سالۋدى جوسپارلاپ وتىر. بۇل الەم بويىنشا مۇناي- گاز سالاسىنداعى ەڭ ءىرى ينۆەستيتسيا بولىپ سانالادى. ۋوتسون مىرزا ءوز كومپانياسىنىڭ شەتەلدەگى قازاقستان ەلشىسى قۇساپ بارىنە وسى ەلدەگى ينۆەستورلار ءۇشىن جاسالاتىن جاعدايلار جايىندا ايتىپ جۇرەتىنىن جەتكىزدى. 25 جىلدىڭ ىشىندە قانشاما اقشا تاپتىق، ەندى سونى باسقا مەملەكەتكە ەمەس، قازاقستانعا سالامىز دەپ وتىر. سوندىقتان ءبىز ەسكى ينۆەستورلاردى ەش ۋاقىتتا ۇمىتپايمىز. ويتكەنى ولارعا قاراپ، جاڭا ينۆەستورلار كەلەدى"، - دەدى ۇكىمەت باسشىسى.

 ايتا كەتەيىك، پرەمەر- مينيستر باقىتجان ساعىنتايەۆ قازاقستانعا تارتىلعان ينۆەستورلاردىڭ ايماقتاردا ءبىرقاتار كەدەرگىلەرگە تاپ بولاتىنىنا الاڭداپ وتىر. سونىڭ ءبىرى - جەرگىلىكتى بيلىكتىڭ ءتىل بىلمەۋى.

 ال ق ر ينۆەستيسيالار جانە دامۋ ءمينيسترى جەڭىس قاسىمبەكتىڭ ايتۋىنشا، ماۋسىم ايىنىڭ اياعىنا دەيىن ينۆەستيسيالاردى تارتۋدىڭ ۇلتتىق ستراتەگياسى دايارلانادى. سونىڭ اياسىندا شەتەل ينۆەستيتسياسىن تارتىپ قانا قويماي، ونى ۇستاپ قالۋعا دا باسىمدىق بەرىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى