تاياۋ ۋاقىتتا سەمەي ادام تانىماستاي وزگەرەدى - دانيال احمەتوۆ

ق ر ورتالىق كوممۋنيكاتسيالار قىزمەتىندە شىعىس قازاقستان وبلىسىنىڭ الەۋمەتتىك-ەكونوميكالىق دامۋى ماسەلەلەرىنە كەڭىنەن توقتالعان ءوڭىر باسشىسى: «سەمەي قالاسىندا مادەني قۇندىلىقتار وتە كوپ. 2014 -جىلى قالا بيۋدجەتى 21 ميلليارد تەڭگە بولسا، اعىمداعى جىلى جيىنتىق بيۋدجەتى 49 ميلليارد تەڭگەگە جەتىپ وتىر. بۇگىندە قالانىڭ اۋەجايى 10 ميلليارد تەڭگەگە جاڭعىرتىلۋدا. مۇنداي جايت بۇرىن-سوڭدى بولماعان. «اباي ارەنا» اتتى بىرەگەي مادەني- سپورتتىق كەشەننىڭ جوبالىق-سمەتالىق قۇجاتتاماسىن دا اياقتاپ قالدىق. شىندىعىنا كەلگەندە سەمەي قالاسىنىڭ جالپى ينجەنەرلىك-كوممۋنيكاتسيالىق جۇيەسى سىن كوتەرمەيدى. سوندىقتان بۇگىندە جاڭبىر سۋىنا ارنالعان كارىزدىڭ جوبالىق-سمەتالىق قۇجات ازىرلەنىپ جاتىر، ينجەنەرلىك كوممۋنيكاتسيالارى، سۋمەن قامتاماسىز ەتۋ، كارىز جانە جىلۋ بويىنشا دا ۇلكەن ىستەر اتقارىلۋدا»، - دەدى.

ونىڭ سوزىنە قاراعاندا، اعىمداعى جىلدىڭ وزىندە عانا قالانىڭ جولدارىن سالۋعا، اعىمدىق جانە كۇردەلى جوندەۋ جۇمىستارىن جۇرگىزۋگە 3 ميلليارد تەڭگە بولىنگەن. بۇل جۇمىستارعا قالانىڭ بارلىق جول سالاتىن كومپانيالارى جۇمىلدىرىلعان. سونىمەن قاتار بۇگىنگى زاماناۋي تالاپتارعا تولىقتاي ساي كەلەتىن «قاراعايلى» دەپ اتالاتىن شاعىناۋدان دا بوي كوتەرۋدە.

«سەمەي اقىر سوڭىندا ساۋلەت- قالا قۇرىلىسى قۇندىلىقتارىنا ساي كەلەتىن شاعىناۋدانعا يە بولعانىن قالايمىن. ش ق و- نىڭ بارلىق قالالارىندا جانە سەمەيدە جاڭادان سالىناتىن ءاربىر ءۇيدىڭ، ءاربىر پاتەردىڭ كولىك قويۋعا ارنالعان تۇراقتارى بولادى. جۇرەتىن جولدىڭ ەنى 3,6-دان 6 مەترگە دەيىن سالىنادى. ياعني مۇلدەم بولەك پارامەترلەر قولدانىلادى. مۇنان بولەك، بارلىق ۇيلەرگە جاپسارلاس الەۋمەتتىك نىساندار بولادى»، - دەدى ش ق و اكىمى.

احمەتوۆتىڭ ايتۋىنشا، تاياۋ ارالىقتا سەمەي قالاسى ادام تانىماستاي وزگەرىسكە ۇشىرايدى. «تاياۋ ارالىقتاعى قىسقا عانا ۋاقىتتىڭ ىشىندە سەمەي قالاسىنىڭ تانىماستاي وزگەرەتىندىگىنە سەندىرگىم كەلەدى. سەمەي قالاسىنا كەلىڭىزدەر، جاعالاۋدىڭ قالاي وزگەرگەندىگىن وزدەرىڭىز دە كورەسىزدەر. ورتالىق الاڭ دا وزگەرىسكە ۇشىرايدى. اي سايىن جەكە ءوزىم بۇل قالامەن اينالىسامىن جانە ءالى كۇنگە دەيىن ورىن الىپ وتىرعان پروبلەمالى جەرلەردى دە ناقتى بىلەمىن»، - دەدى ول.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى