ديماش ءۇشىن ءوز ەلىنەن ىستىق جانكۇيەر جوق - الپامىس شەرىموۆ

ويتكەنى، ديماشتىڭ قىتايداعى كەلىسىمشارتى ءالى اياقتالماعان. بۇل تۋرالى ءانشىنىڭ رەسمي وكىلى الپامىس شەرىموۆ ءمالىم ەتتى، دەپ حابارلايدى قازاقپارات ءتىلشىسى.

«وكىنىشكە قاراي، كەلىسىمنىڭ قاي ۋاقىتتا اياقتالاتىنىن ايتا المايمىز. ال حالىقتىڭ الدىنا ونسىز دا شىعىپ ءجۇر عوي. جۋرناليستەردىڭ سۇراقتارى بولسا، ازىرشە مەن بارلىق ساۋالدارعا جاۋاپ بەرە الامىن»، - دەدى شەرىموۆ قازاقپارات تىلشىسىنە بەرگەن سۇحباتىندا.

الايدا ول ءانشىنىڭ جەكە ويلارىنا، قىتايداعى ەستەلىكتەرى مەن بايقاۋدان العان اسەرىنە قاتىستى سۇراقتارعا تەك ديماشتىڭ ءوزى عانا جاۋاپ بەرە الاتىنىن مويىندادى.

ال «قىتايداعى ۇلكەن كونكۋرستان كەيىن قازاقستانداعى جانكۇيەرلەردىڭ ازدىعى سەزىلىپ قالعان جوق پا؟» دەگەن سۇراققا ءوزى جاۋاپ بەرىپ كوردى: «جوق، جانكۇيەرلەردىڭ ازدىعى سەزىلگەن جوق. قازاقستان حالقى اسسامبلەياسىنىڭ كونسەرتىن كوردىڭىزدەر، ونىڭ الدىندا ديماشقا «قازاقستان» كونسەرت زالىندا قۇرمەت كورسەتتى. سوعان قاراعاندا، جانكۇيەرلەر از بولىپ قالدى دەپ ايتا المايمىن. ديماش قايدا بارسا دا، ول ءۇشىن ءوز ەلىنەن ارتىق، ءوز جانكۇيەرىنەن ىستىق ادام جوق قوي»، - دەپ اتاپ كورسەتتى ديماشتىڭ رەسمي وكىلى.

ونىڭ ايتۋىنشا، قىتايلىق جانكۇيەرلەر بەرگەن بارلىق سىيلىقتار قازاقستانعا جەتكىزىلدى. سونىڭ ىشىندە ديماشقا جاسالعان ەڭ قىمبات ءارى توسىن سىي - ول دجەكي چانمەن كەزدەسۋ. الەمگە ايگىلى اكتەردىڭ قولىنان ەكسكليۋزيۆتى كۇرتەشەنى الۋ دا ديماش ءۇشىن ۇلكەن سىي بولدى. قازىرگى كەزدە ديماش قىتاي ءتىلىن دە ۇيرەنىپ جاتىر. «ول اعىلشىن، قىتاي تىلدەرىن مەڭگەرىپ جاتىر. ويتكەنى ول بايقاۋدا قىتايشا عانا ەمەس، اعىلشىن تىلىندە دە، فرانسۋز تىلىندە دە، يتاليان تىلىندە دە ءان ايتتى»، - دەدى الپامىس شەرىموۆ.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى