قازاقستاندا كولىك يمپورتى ازايدى

بيىل العاشقى توقساندا قازاقستانعا 3697 دانا اۆتوموبيل اكەلىندى. بۇل 2016-جىلدىڭ ءدال وسى كەزەڭىمەن سالىستىرعاندا %4 عانا جوعارى (3544 دانا). قازاقستانعا شەتەلدىك اۆتوموبيلدەر يمپورتتاۋ دەڭگەيى باسەڭدەپ، وتاندىق اۆتوونەركاسىپتەگى شىعارىلىم قارقىنى ۇلعايىپ كەلەدى. 2017-جىلدىڭ قاڭتار-ناۋرىز ايلارىندا ەلىمىزدە 3095 دانا جەڭىل اۆتو شىعارىلعان.

بۇل 2016-جىلمەن سالىستىرعاندا 7,2 ەسەگە كوپ (428 دانا). 2015-جىلدىڭ ءساۋىر ايىندا قازاقستاندا قۇراستىرىلعان جەڭىل اۆتوكولىكتەردى العىسى كەلگەن جەكە تۇلعالاردى جەڭىلدىكپەن كرەديتتەۋ باعدارلاماسى ىسكە قوسىلدى.

قازاقستان دامۋ بانكى وتاندىق وندىرۋشىلەرگە قولداۋ كورسەتۋ ماقساتىندا ەكىنشى دەڭگەيلى بانكتەرگە 2 ترانش ءبولدى. جەڭىلدىكپەن نەسيەلەۋگە ترانشتاردى يگەرۋ بويىنشا كوش باسىندا ەۋرازيالىق بانك تۇر، 2017-جىلدىڭ 13- ساۋىرىنە دەيىن 9,11 ميلليارد تەڭگە سوماسىنا زايمدەر بەرىلدى. ودان كەيىنگى ورىندا سبەربانك - 7,88 ميلليارد تەڭگە جانە ۇشتىكتى حالىق بانك تۇيىندەيدى - 6,86 ميلليارد تەڭگە.

بەرىلگەن زايمدەردىڭ جالپى سانى 8,67 مىڭدى، جالپى سوماسى 32,75 ميلليارد تەڭگەنى قۇراعان.

ەكىنشى دەڭگەيلى بانكتەر ءۇشىن جەڭىلدىكپەن كرەديتتەۋ باعدارلاماسى بويىنشا نەسيەلەۋ ءتارتىبى بىردەي. اۆتوموبيلدى ساقتاندىرۋ جانە كەپىلگە راسىمدەۋ شىعىندارىن قوسقاندا 1 اۆتوموبيل قۇنى 15 ميلليون تەڭگەدەن اسپاۋى كەرەك، كرەديتتەۋ مەرزىمى - 7 جىلعا دەيىن، نومينالدى سىياقى مولشەرلەمەسى - %4  دەيىن، ءتيىمدى ستاۆكا %7,5 اسپاۋى شارت.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى