سۇيىكتىسىن كوڭىلدەسىمەن ۇستاعان جىگىتتىڭ ارەكەتى جۇرتتى اڭ-تاڭ ەتتى - فوتو
ادەتتە عاشىعىن وزگەمەن ۇستاعاندار سول جەردە جانجال شىعارىپ جاتادى. الايدا داستون حوللوۋەي ءومىرىنىڭ ەڭ جاعىمسىز ءساتىن سەلفيگە تۇسىرگەن دە، ءۇنسىز كەتە بەرگەن.
جىگىت جاعىمسىز جاعدايعا ازىلمەن قاراپ، ءتىپتى سەلفيلەردى Facebook پاراقشاسىنا جۇكتەيدى.
«ۇيىڭە كەلىپ، عاشىعىڭدى وزگەنىڭ قۇشاعىندا تاپقان كەز. جاقسى جىگىتتەرگە جاقسى ايەلدەر بۇيىرۋى كەرەك»، - دەپ جازعان ول فوتوسىنىڭ استىنا.
Facebook قولدانۋشىلارىنىڭ ءبىرى داستوننان ودان ءارى جانجال شىعارعان- شىعارماعانىن سۇرايدى.
«باستاپقىدا ونىڭ كوزىنە كوك شىبىن ۇيمەلەتكىم كەلدى. الايدا كەيىن سابىرمەن سەلفي جاسادىم دا، باستىق سەكىلدى كەتىپ قالدىم. مەن سۇيىكتىمدى وياتقىم كەلدى، ءبىراق ول ولەردەي ماس جاتتى»، - دەپ جاۋاپ بەردى ول.
داستوننىڭ فوتوسى جەلىدە مىڭداعان ادامنىڭ نازارىنا ىلىگىپ، ونى قولداعاندار اق تىلەگىن جاۋدىردى.
«ءسىزدىڭ ونداي دەڭگەيگە تۇسپەگەنىڭىزگە قۋانىشتىمىن. ءسىزدى باعالايتىن ومىرلىك سەرىگىڭىزدى تاباتىن كۇن الىس ەمەستىگىنە سەنىمدىمىن»، - دەپ جازعان حەيلي ەسىمدى ايەل.
«ماعان مىڭداعان ادام جانجال شىعارماي، ولاردى جايىنا قالتىرعانىم ءۇشىن ماقتاۋ ايتۋدا»، - دەيدى داستون.
