قازاقپارات فوتولارى الەۋمەتتىك جەلىلەردە كەڭىنەن تارالۋدا - فوتو
اسىرەسە، مىنا ومىردەگى كەلەڭسىز جايتتارعا، تەرىس قىلىقتارعا دەگەن جۇرتشىلىقتىڭ بەلسەندىلىگى اسا جوعارى بولىپ وتىر. ال كوتەرىلگەن ماسەلەگە بايلانىستى سالىنعان فوتولاردىڭ پىكىرتالاستى ودان ءارى جانداندىرا تۇسەتىندىگى دە راس.
بۇل ورايدا «قازاقپارات» ح ا ا فوتوگرافتارى سۋرەتتەرىنىڭ ولاردىڭ اراسىنان ءجيى كەزدەسە باستاعاندىعى قۋانتادى. 
الەۋمەتتىك جەلىدە وسىنداي قىزۋ پىكىرتالاس تۋدىرعان وقيعانىڭ ءبىرى 25 -ساۋىردە ەلورداداعى «قازاقستان» كونسەرت زالىندا وتكەن ديماش قۇدايبەرگەننىڭ كونسەرتى بولدى. الەم مويىنداعىن جاس تالانتتىڭ جارقىراعان بەينەسى، ونىڭ كونسەرتى جايلى پىكىرلەر جەلىنى ءدۇر سىلكىندىردى دەسەك ارتىقتىق ەتپەس.
«راحات اي وسىنداي دا فوتو كورەتىن كۇن بولادى ەكەن. بۇرىن جاستار شەتەلدىكتەردى كۋمير قىلاتىن ەدى عوي. ءوزىمىزدىڭ قازاقتى مەنسىنبەي. سوندا دا تالانتىن مويىنداتۋ ءۇشىن ديماشقا قىتايعا بارۋ كەرەك بولدى»، - دەپ جازدى فەيسبۋكتە اڭساعان مۇستافا. ال اينۇر ومار ءانشىنى كورۋگە كەلگەن جۇرتشىلىققا ەرسى قىلىق كورسەتكەن كۇزەتشىلەرگە رەنىشىن ءبىلدىردى. 
«مىناۋ نە سۇمدىق؟ كادىمگىدەي توبەلەس بولىپ جاتىر عوي. تۇسىنەم، ەگەر مۇلدە رۇقسات ەتىلمەگەن وبەكتىنى تۇسىرسە، بىرەۋدىڭ جەكە باسىنا قاتىستى دۇنيەنى تۇسىرسە. ال بۇل جەردە جاي عانا كونسەرتتى تۇسىرۋگە كەلگەن وپەراتورلار مەن تىلشىلەر تاياق جەدى! بۇل قانشالىقتى ەتيكاعا جاتادى؟»، - دەپ جازادى ول.
سونداي-اق اينۇر ومار ەكىنشى ءبىر فوتوعا ءتۇسىپ قالعان وزگە كۇزەتشىنى ەكىنشى قىرىنان تانىعانداي. «مىنا سۋرەت سونداي جىلى ەكەن. كۇزەت قىزمەتكەرىنىڭ ءتۇرىن قاراڭىزشى، مەيىرىم توگىلىپ تۇر!!! ديماشتى جاقىننان كورگەنىنە ءوزى دە قاتتى قۋانىشتى سياقتى. سۋرەتتى "قازينفورمنان" ۇرلاپ الدىم. فوتوگراف مىقتى ەكەن!»، - دەپ جازادى ول.
فوتو: مۇحتار حولدوربەكوۆ
