الماتىلىق كاسىپكەر كوز-جاسىن توگىپ، جانايقايىن ايتقان قىزعا ءۇي سىيلاماقشى - كەسكىن

قىزدىڭ جانايقايىن جەتكىزىپ جىلاعانى كوپشىلىكتىڭ كوڭىلىن بوساتقان. ءۇيى مەن كىتاپتارىنان ايىرىلعان قىزعا كومەكتەسكىسى كەلەتىندەردىڭ قاراسى كوپ. بۇل تۋرالى NUR. KZ پورتالى «دياپازونعا» سىلتەمە جاساپ حابارلايدى.

اقتوبەدە تۇرىپ جاتقان ءۇيى تاسقىننان كۇل-تالقان بولعان 10 جاستاعى ماحاببات ەشىموۆا بيلىككە جىلاپ تۇرىپ جانايقايىن جەتكىزگەن بولاتىن. ونىڭ كوزىنە جاس العان ءساتى كوپشىلىكتىڭ جۇرەگىن ەلجىرەتكەن. قولى اشىق جاندار قىز بالاعا كومەكتەسۋگە اسىقتى.

ماسەلەن، ءانشى مەرۋەرت تۇسىپبايەۆا ءبىرىنشى مامىر كۇنى اقتوبەگە ۇشىپ بارىپ، تاسقىننان زارداپ شەككەندەردىڭ قۇرمەتىنە تەگىن كونسەرت بەرەتىنىن «دياپازون» تىلشىسىنە مالىمدەدى.

ال تانىمال الماتىلىق كاسىپكەر قايرات قۇدايبەرگەن ماحابباتتى جاڭا ۇيمەن قۋانتپاق.

«باسىندا ماحابباتقا ادەمى ءۇي ساتىپ الۋدى جوسپارلاعانبىز. كەيىن ونى ۇزاق كۇتتىرمەي جاقسى ەكىقاباتتى ءۇي ساتىپ الىپ بەرۋدى ۇيعاردىق. ءبىز ۇلكەن 109 شارشى مەترلىك ءۇيدى تاڭداعان ەدىك. سونى ساتىپ الىپ، ماحابباتتىڭ وتباسىنا سىيلاعىمىز كەلەدى. جيھاز، كىر جۋاتىن ماشينا، تەلەديدار جانە وزگە تەحنيكانى دا الدىق. الايدا اكىمدىك ءۇيدى وزەنگە جاقىن دەپ الۋعا رۇقسات ەتپەدى. ەندى ءبىز باسقا ءۇي ىزدەپ جاتىرمىز. ءىستى سوڭىنا جەتكىزىپ، بالاقايعا ىڭعايلى ءۇي سىيلايمىز»، - دەيدى كاسىپكەر.

بۇگىندە ماحاببات ەشىموۆا وتباسىمەن جالدامالى پاتەردى جاعالاپ ءجۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى