نازاربايەۆ بايلاردى اقشاسىن حالىقپەن بولىسۋگە شاقىردى
قازاقستان حالقى اسسامبلەياسىنىڭ كەزەكتى سەسسياسىندا ءسوز سويلەگەن پرەزيدەنت بۇگىندە ق ح ا كوپتەگەن قايىرىمدى جانداردى بىرىكتىرەتىنىن اتاپ ءوتتى.
«ءبىز كىشى وتانىمىز «تۋعان جەر» جايىندا ايتىپ جاتىرمىز عوي. قازىر قازاقستاندا باقۋاتتى ادامدار از ەمەس. ول جاقسى دا، ءبىز سونداي قوعام جاساپ جاتىرمىز. بايىسىن، سونىمەن قوسا ەل بايىسىن، ادامدار جۇمىسقا تۇرسىن»، - دەدى نازاربايەۆ.
پرەزيدەنتتىڭ پىكىرىنشە، باقۋاتتى ازاماتتار تۋعان اۋىلدارىنا بارىپ، مەكتەپ، سپورت كەشەنىن، جولدار، مونشا، ناۋبايحانا سوعا الادى.
«ءبىزدىڭ بارشا بيزنەسمەندەرگە جۇگىنگىم كەلەدى. ۇكىمەت، مەملەكەت سول اقشانى تابۋ ءۇشىن جاعداي جاسادى. ەندى سول قاراجاتتان كىشكەنە حالىقپەن دە بولىسىڭىزدەر»، - دەپ ۇسىندى مەملەكەت باسشىسى.
