ەلىمىزدە تاعى ءبىر بانككە تىقىر تاياندى
ياعني، بانك كەلىسىلگەن كۇنى قارجىسىن تولەي الماعان. ءبىراق بۇل قارجى ۇيىمىنداعى جاعداي مۇشكىل دەگەن ءسوز ەمەس دەيدى بيرجاداعىلار. بۇل تۋرالى كتك حابارلايدى.
كپكپ
«بيرجا نارىعىندا ءوز مىندەتتەمەلەرىن ورىنداي الماۋى ول بانكتىڭ جاعدايى ناشارلادى دەگەن ءسوز ەمەس. وعان تەحنيكالىق نەمەسە باسقا دا وقىس جاعدايلار اسەر ەتۋى مۇمكىن. ازىرگە بانك قور نارىعىنان ۋاقىتشا شەتتەتىلدى»، - دەدى «قازاقستان قور بيرجاسى» ا ق باسقارما ءتوراعاسىنىڭ ورىنباسارى ناتاليا حوروشەۆسكايا.
دەلتا بانك بىلتىر كۇزدە دە كازينۆەستبانكپەن بىرگە ۋاقىتشا ليتسەنزياسىنان ايىرىلعان بولاتىن. كازينۆسەتبانك سول تىعىرىقتان شىعا الماي اقىرى جابىلىپ تىندى. ال دەلتا بانك جەلتوقسان ايىندا قىزمەتىن قايتا جالعاستىرۋعا ۇلتتىق بانكتەن رۇقسات العان.
ارادا جارتى جىل وتپەي جاتىپ ەندى قور نارىعىنان شىعارىلىپ وتىر. دەگەنمەن، ساراپشىلار بانك سالىمشىلارى ءۇشىن ءقاۋىپ تۋدىرارلىق ەشتەڭە جوق دەيدى. ويتكەنى قارجى ينستيتۋتى ليتسەنزياسىنان ايرىلعاننىڭ وزىندە ەلىمىزدە دەپوزيتتەردى ساقتاندىرۋ قورى بار.
«بانك سالىمشىلارىنىڭ باسىم بولىگى - بيزنەسمەندەر. سوندىقتان بۇل جاعدايعا كاسىپكەرلەر عانا الاڭداۋى ءتيىس. ال جەكە سالىمشىلار ءۇشىن اسا ءبىر قاۋىپ ءتونىپ تۇرعان جوق. ويتكەنى دەلتا بانك - دەپوزيتتەردى ساقتاندىرۋ قورىنىڭ قاتىسۋشىسى»، - دەدى ەكونوميكالىق ساراپشى ايدوس تايبەك ۇلى.
