ەلباسى رەجيسسەر اقان ساتايەۆپەن كەزدەستى
نۇرسۇلتان نازاربايەۆ بەلگىلى رەجيسسەرمەن وتاندىق كينونىڭ قازىرگى احۋالى تۋرالى اڭگىمەلەستى.
قازاقستان پرەزيدەنتى قازاق ۇلتىنىڭ قالىپتاسۋى، تاۋەلسىز رەسپۋبليكامىزدىڭ جاڭا ەلورداسىنىڭ سالىنۋى تۋرالى تاقىرىپتار جاڭا كينوتۋىندىلار ءتۇسىرۋ ءۇشىن ماڭىزدى ەكەنىن اتاپ ءوتتى.
ەلباسى تاريحي ساتتەردى تۇسىرۋگە قاتىستى كوزقاراسىن ءبىلدىرىپ، وتاندىق كينەماتوگرافيانىڭ كەلەشەكتەگى دامۋى تۋرالى ويلارىن ورتاعا سالدى.
ا. ساتايەۆ مەملەكەت باسشىسىنا ءوزىنىڭ كينو سالاسىنداعى جۇمىس جوسپارلارى جونىندە ايتتى. ەلباسى كەزدەسۋ سوڭىندا رەجيسسەرگە شىعارماشىلىق جەتىستىك پەن تابىس تىلەدى.
