ريمدە ايگىلى فيلمدەردە پايدالانىلعان مۇسىندەر كورمەسى اشىلدى

مۇسىندەردىڭ ىشىندە ەڭ تانىمالى - ريدلي سكوتتىڭ «گلادياتورىنداعى» بيىكتىگى بەس مەتر مارس ءمۇسىنى. فيلمدە كوليزەيگە گلادياتورلاردى جەتكىزگەن قۇلساۋداگەرى پروكسيمو، وسى پۇتتىڭ الدىندا دۇعا تىلەپ، ساتتىلىك سۇرايدى.

سونداي-اق، كورمەگە كەلۋشىلەر دجوزەف مانكەۆيچتىڭ تۋىندىسىنداعى كلەوپاترانىڭ جاتىن ورنىن، فەللينيدىڭ «ءتاتتى ءومىر» كينوسىنداعى يسا پايعامباردىڭ ءمۇسىنىن تاماشالاي الادى. يتاليانىڭ «چينەچيتتا» كينوستۋدياسى 80 جىل ىشىندە 3 مىڭنان استام تۋىندى تۇسىرگەن. ونىڭ 47 سى «وسكار» سىيلىعىن العان. «ادەتتە «وسكار» سىيلىعى سەنوگرافتارعا بەرىلەدى. ەگەر قازىلار القاسى ساحنا كورىنىستەرىن جوعارى باعالاپ جاتسا، وندا ءبىزدىڭ دە ەڭبەگىمىز باعالانعانى دەپ بىلەمىن. ياعني ءبىزدىڭ ەڭبەگىمىزدىڭ ەلەنۋى، جوبالاردىڭ ساپالى جانە ءساتتى جۇزەگە اسۋىنىڭ بەلگىسى»، - دەيدى ءمۇسىنشى ادريانو دە اندجەليس.

مۇندا مۇسىندەردەن بولەك، تانىمال فيلمدەرگە ارنايى جاسالعان ەرەكشە دەكوراتسيالاردى دا تاماشالاۋعا بولادى. ونىڭ ىشىندە بىلتىر تيمۋر بەكمامبەتوۆتىڭ «بەن گۋر» تۋىندىسى ءۇشىن جاسالعان ريم سيركى دە بار. سول جەردە رەجيسسەر كۇيمە جەككەن اتتار جارىسىن تۇسىرگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى