جات اعىمنىڭ جەتەگىندە كەتكەن ايەل ەلباسىنا مۇڭىن شاقتى

«قازىر سول كەزدى ەسكە السام، جانىم تۇرشىگەدى. ءدىن ارقىلى ونداي مانيپۋلياتسيانى جاساۋعا بولاتىنىن ويلاعان دا جوقپىن. مەن ادامنىڭ ويىنا كىرمەيتىن نارسەدەن ءوتتىم. كەمسىتۋ، جابىرلەۋ، مورالدى تۇرعىدا قىسىم كورسەتۋ - ءبارى- ءبارى بولدى. الايدا مەن ءۇشىن ەڭ اسىل ادامدار - اتا- انالاردان باس تارتۋىڭ كەرەكسىڭ دەپ ايتقاندا ول سەنىمنىڭ ءدىن ەمەس ەكەنىن ءتۇسىندىم. سول تىعىرىقتان شىعۋعا باتىلىم جەتتى» ، - دەدى اسەل بازاربايەۆا.

 وسى كەزدە ول شىداي الماي، جىلاپ جىبەردى. الايدا ويىن جيناقتاپ، ناقتى ۇسىنىستارىن جەتكىزدى.

 ونىڭ ايتۋىنشا، قازىرگى كەزدە ءدىني ەكسترەميزمنىڭ قۇربانىنا اينالعان ازاماتتارعا كومەك كورسەتىپ وتىرعان ءجون.

 «بۇگىندە مەن وسى جۇمىسپەن دە اينالىسامىن. دەسترۋكتيۆتى يدەيالاردان زارداپ شەككەن ايەلدەرگە مورالدىق جاعىنان كومەك كورسەتەمىن. ونداي ادامدار از ەمەس. مەن ءدىني اعىمداردىڭ جەتەگىندە كەتكەن جۇزدەگەن ادامدى بىلەمىن. الايدا ولاردىڭ بىرەن- ساراڭى عانا سول تىعىرىقتان شىعۋعا نيەت بىلدىرەدى. بىزدە «ءاربىر قازاق - جالعىزىم» دەگەن ءسوز بار. ولارعا دا جالعىزىم دەپ قارايىق. ورتامىزعا قايتۋعا كومەكتەسەيىك. ول ءۇشىن ارنايى وڭالتۋ ورتالىقتارىن كوپتەپ اشۋ قاجەت» ، - دەپ اتاپ كورسەتتى بازاربايەۆا.

 پرەزيدەنت بۇل باستامانى قولدادى.

 «ونداي ورتالىقتار كوپ بولۋى كەرەك. ءار وڭىردە قولداۋ قاجەت. اكىمدەر، مينيسترلىكتەر ءوز كومەكتەرىن بەرۋى ءتيىس» ، - دەدى نازاربايەۆ.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى