وڭتۇستىكتەن سولتۇستىككە «قۇدا- قۇداعي» پويىزى قاتىنايدى
ق ر پرەزيدەنتىنىڭ توراعالىعىمەن ءوتىپ جاتقان قازاقستان حالقى اسسامبلەياسىنىڭ XXV سەسسياسىندا «سەرپىن» باعدارلاماسىمەن سولتۇستىك قازاقستان وبلىسىندا ءبىلىم الىپ جاتقان، ارعى اتا- بابالارى يراندىق سايدا بەكبۋدي بيىل «نۇرلى جول» باعدارلاماسى اياسىندا قازاق ەلىنىڭ ەكى قيىرىن جالعاعان قىزىلوردا- پەتروپاۆل باعىتىنداعى پويىزدىڭ جۇرە باستاعاندىعىن اتاپ ءوتتى.
«تۇرعىندار ونى قۇدا- قۇداعيلار پويىزى دەپ اتاپ كەتتى. بۇگىندە شىمكەنتتىڭ جىگىتتەرى سولتۇستىكتىڭ قىزدارىنا قۇدا تۇسسە، ال «سەرپىندىك» قىزدار سولتۇستىك جىگىتتەرىنىڭ ارمانىنا اينالدى. باس قوسقان بىرنەشە جۇپتار دا بار. بۇل جاعىنان دا ەلىمىزدىڭ بىرلىگى نىعايىپ جاتىر. نۇرسۇلتان ءابىش ۇلى! شىندىعىن ايتقاندا باستاپقىدا قيىن بولدى. سولتۇستىكتىڭ قىسى قاتال ەكەن. ءبىراق، ءبىزدى ءبىلىم الۋ جولىنداعى جاستىق جالىنىمىز جىلىتتى»، - دەدى ول.
ونىڭ ايتۋىنشا، سەرپىندىكتەر ورىس ءتىلىن، اعىلشىن ءتىلىن ۇيرەنىپ، ەندىگى ۋاقىتتا جەرگىلىكتى جاستارعا قازاق ءتىلىن ۇيرەتىپ جاتىر.
«تامىرى يراننان، وڭتۇستىك قازاقستان وبلىسىنىڭ بايدىبەك اۋدانىنان ولار دا سولتۇستىك قازاقستانعا قۇدا- قۇداعي بولىپ شىقپاسىن. وڭتۇستىكتىڭ جىگىتتەرى قالاي جىبەرىپ وتىر ەكەن. باقىتتى بول!» - دەپ ازىلدەدى ەلباسى.
اۆتور: مارلان جيەمباي
