قارا ورامال جامىلىپ ءجۇرۋ قازاققا جات - نازاربايەۆ
«ءبىزدىڭ دامۋىمىزدى قانداي نارسە تەجەيدى؟ بىرىنشىدەن، ارتقا قاراپ، العا قاراي جۇرۋگە بولمايدى. ولاي كەز كەلگەن تاسقا ءسۇرىنىپ، باستى جارىپ الۋعا بولادى. سولاي ەمەس پە؟ بۇل دەگەنىمىز، زامان تالابىنا ساي كەلمەيتىن نارسەدەن باس تارتۋ قاجەت. ءبىزدىڭ سانامىزدا بار تاپتاۋرىن تۇسىنىكتەردەن دە ارىلۋ ماڭىزدى. ماسەلەن، قازىر اراب ەلدەرىن الىپ قارايىقشى، حالىقتى ورتا عاسىرعا تارتقاننان نە پايدا؟ سول سەبەپتى مەن جاستارعا ىلعي ايتامىن، كەرىتارتپالىق جاساماۋ قاجەت. قارا ورامالدى جامىلۋدىڭ قاجەتى جوق. ول - قازاققا جات نارسە. وسى ىسپەتتى اتريبۋتتاردى مىنا جەرگە اكەلمەۋ كەرەك. ايتپەسە، مەملەكەتتىڭ دامۋىنا كەدەرگى جاسايمىز»، - دەدى نازاربايەۆ.
پرەزيدەنتتىڭ ايتۋىنشا، قازاقستان حالقى اسسامبلەياسىنىڭ ۇلگىسىندە ءوزارا تاتۋلىق پەن تۇسىنىستىك يدەياسىن كەڭىنەن ناسيحاتتاۋ قاجەت. وسىلايشا، حالىقتىڭ بىرلىگىن كۇشەيتىپ، العا قاراي قادام باسقان ماڭىزدى.
ايتا كەتەيىك، ءوز سوزىندە مەملەكەت باسشىسى نۇرسۇلتان نازاربايەۆ اسسامبلەيا مۇشەلەرىنە ءبىر سىرىن ايتىپ بەردى.
اۆتور: ارمان اسقاروۆ
