كاسىبي قىزمەتىن اتقارىپ جۇرگەن جۋرناليسكە قول كوتەرۋدى ايىپتايمىز - داۋرەن ابايەۆ
«قازاقستان ورتالىق كونسەرت زالىندا «31- ارنا» جۋرناليسىنە كۇزەتشىنىڭ قول كوتەرۋىنە بايلانىستى اقپارات جانە كوممۋنيكاتسيالار مينيسترلىگىنىڭ ۇستانىمى مىنانداي: ءبىز ادامعا، ونىڭ ۇستىنە ءوزىنىڭ كاسىبي قىزمەتىن اتقارىپ جۇرگەن جۋرناليسكە قول كوتەرۋدىڭ كەز كەلگەن فاكتىسىن ايىپتايمىز. بۇل وقيعاعا بايلانىستى تىڭعىلىقتى تەرگەۋ جۇرگىزىلۋىن سۇرايتىن بولامىز. فاكتى ناتيجەسى بويىنشا مىندەتتى تۇردە مالىمدەمە جاسايمىز. جۋرناليست تاراپىنان قاتەلىك ورىن العان كۇننىڭ وزىندە دە ءبىز قول كوتەرۋدى ايىپتايمىز»، - دەدى مينيستر ق ح ا سەسسياسىنىڭ اياسىندا ب ا ق وكىلدەرىنە.
سونىمەن قاتار داۋرەن ابايەۆ ەگەر جۋرناليست زاڭناما مەن ەرەجەلەر اياسىندا ارەكەت ەتەتىن بولسا، وندا وعان ەشقانداي كەدەرگى جاسالماۋى تيىستىگىن باسا ايتتى.
ايتا كەتەيىك، كەشە ءبىرقاتار ب ا ق ديماش قۇبايبەرگەنوۆتىڭ قۇرمەتىنە وتكەن «الەم تانىعان ديماش» اتتى شارا بارىسىندا قازاقستان ورتالىق كونسەرت زالىنىڭ كۇزەتشىسى «31- ارنا» تىلشىسىنە قول جۇمساعاندىعىن جازعان بولاتىن.
اۆتور: مارلان جيەمباي
