ديماش قۇدايبەرگەن كانن فەستيۆالىندە ءان شىرقايدى

قازاقستان پاۆيلونىنىڭ رەسمي وپەراتورى - «ۇلتتىق كينەماتوگرافيا ونەرى مەن عىلىمدارىنىڭ اكادەمياسى» قوعامدىق بىرلەستىگى (ق ب) . اتالعان ق ب 70- كانن حالىقارالىق كينوفەستيۆالىندە ەلىمىزدىڭ كينويندۋسترياسىن تانىستىرماق. ءبىرىنشى قازاقستاندىق پاۆيلون «Le Village International» كينونارىعى اۋماعىندا فەستيۆالدەر سارايى ماڭىنبا بولادى.

 19 -  مامىر كۇنى فرانسيانىڭ ۇلتتىق كينەماتوگرافيا ورتالىعىنىڭ الاڭىندا قازاقستان پاۆيلونىنىڭ اشىلۋىنا وراي رەسمي قابىلداۋ شاراسى وتپەك. باعدارلامادا كامەرالىق ىشەكتى ءانسامبلدىڭ سۇيەمەلدەۋىمەن ايمان مۇساقوجايەۆا مەن ديماش قۇدايبەرگەن ونەر كورسەتەدى.

وعان كانن كينوفەستيۆالى مەن كينونارىعىنىڭ قوناقتارى مەن قىزمەتشىلەرى، فرانسياداعى ق ر ەلشىلىگىنىڭ وكىلدەرى، كوكشىل جاعالاۋداعى مۋنيتسيپالدى بيلىكتەر مەن كينوكوميسسيالاردىڭ وكىلدەرى شاقىرىلعان.

 «قازاقستان ۇلتتىق پاۆيلونى - كانن كينونارىعىندا قازاقستاندىق كينەماتوگرافيستەردىڭ جۇمىس ىستەۋىنە ارنالعان الاڭ. وپەراتور رەتىندەگى كينواكادەميانىڭ مىندەتى، ەلىمىزدىڭ كينويندۋسترياسىنىڭ قاتىسۋشىلارىنا، ونىڭ ىشىندە: كينووندىرۋشىلەرگە، پروكات جاساۋشىلارعا، رەنتال ستۋديالارعا، كينوجەلىلەرگە پاۆيلوندى پايدالانۋعا مۇمكىندىك تۋعىزۋ» ، - دەدى كينواكادەميا پرەزيدەنتى راشيد نۇعمانوۆ.

ەڭ الدىمەن، پاۆيلون اۋماعىندا كاسىبي كەزدەسۋلەر وتكىزىلىپ، فيلمدەر مەن جوبالاردى ىلگەرىلەتۋ مەن قىزمەتتەر جونىندە كەلىسسوزدەر جۇرگىزۋگە جول اشىلماق.

 «حالىقارالىق فەستيۆالدەرگە قاتىسۋ قازاقستاننىڭ كينو تۇسىرەتىن ەل رەتىندەگى ءيميدجىن كۇشەيتىپ، بىرلەسكەن جوبالارعا سەرىكتەس ىزدەۋگە كومەكتەسەدى، ەل ەكونوميكاسىنا اقشا ءتۇسۋىن قامتاماسىز ەتۋ ءۇشىن رەسپۋبليكا اۋماعىندا شەتەلدىك جوبالاردى ىسكە اسىرۋدىڭ كەلەشەگىن قالىپتاستىرادى» ، - دەلىنگەن ق ب حابارلاماسىندا.

 اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى