كوزىڭىزدىڭ تۇسىنە قاراپ مىنەزىڭىزدى تانىڭىز
عالىمدار ادام كوزىندەگى قاراشىق اينالاسىنداعى تۇسكە قاراپ، ونىڭ مىنەزىن انىقتايدى. ياعني كوزدەگى ءتۇس ميمەن ءتۇيىسىپ تۇر. ول دەگەنىڭىز ءسىزدىڭ مىنەز- قۇلقىڭىز جۇمباق بولسا، شەشىمىن كوزدەن وقۋعا بولادى دەگەن ءسوز.
Stan.kz ۇسىنعان تومەندەگى تۇستەرگە قاراپ ءوزىڭىزدىڭ، وزىڭىزگە قىزىقتى ادامنىڭ مىنەزىن تەكسەرىپ كورىڭىز.
قارا جانە قويۋ قوڭىر ءتۇستى كوز.
قارا جانە قويۋ قوڭىر ءتۇستى كوزدەر سيرەك كەزدەسەدى. كوزىنىڭ ءتۇسى وسىنداي ادامدار- تۋماسىنان كوشباسشىلىققا دايىن بولادى. قارا كوزدى ادامداردىڭ مىنەزى جىبەكتەي جاعىمدى كەلەدى. ءسىز كەز- كەلگەن اداممەن ورتاق ءتىل تابىسا الاسىز. ءارى كەلىسىمگە كەلۋگە دايىن ادامسىز. اينالاڭىزداعىلار سىزگە كوپتەپ سەنىم ارتادى، ۋادەسىندە تۇراتىن ادام دەپ تانيدى. ءسىز سەزىمتالسىز، تەز ءارى ورىندى شەشىم قابىلداي الاسىز.
كوك كوز
كوزى كوك ادامدار وتە تارتىمدىلار قاتارىنا جاتادى. ءسىز جاڭاشىلدىققا اۋەسسىز. ۇنەمى ىزدەنىستە جۇرەسىز. ءبىراق، جاڭا ورتاداعىلارعا سەنىمگە قاراعاندا كۇدىگىڭىز باسىم تۇرادى. ءسىز ءتىپتى ءوز جاقىنىڭىزعا وڭايلىقپەن اشىلمايسىز. ادامدى ابدەن تەكسەرگەننەن كەيىن بارىپ سەنەسىز. كوپ جاعدايدا جانىڭىزداعى ادامدارعا كۇدىكپەن قارايسىز.
كوكشىل سۇر كوزدەر
كوكشىل سۇر ءتۇستى كوز- سيرەك كەزدەسەدى. كوزىڭىزدىڭ ءتۇسى اشىق كوك ءارى سۇرلاۋ بولسا ءسىز وتە اقىلدى ادامداردىڭ قاتارىنا جاتاسىز. ءارى مۇنداي ادامدار وتە سابىرلى ءارى نازىك جاندى كەلەدى. ءسىز جاڭا تانىسقان ادامدارمەن بىردەن ارالاسىپ كەتە المايسىز. دەگەنمەن ءوز جاقىندارىڭىزدى قاتتى سىيلايسىز ءارى سىي- قۇرمەت كورسەتۋدە الدىڭىزعا جان سالمايسىز.
جاسىل ءارى اشىق قوڭىر ارالاس ءتۇستى كوز
مۇنداي ءتۇستى كوزدەر وتە سيرەك ءارى ەكەرشە تارتىمدى بولادى. وندا كوزدىڭ قاراشىعىنىڭ اينالاسى جاسىل، ءسال ارى اشىق قوڭىر بولادى. مۇنداي كوزدى ادامدار- وزدەرىنە سەنىمدى، تىۋەلسىز ءارى ويلاماعان جەردەن باعىتىن وزگەرتىپ، باتىل شەشىمدەر قابىلدايدى. ءسىز تاۋەكەلشىلسىز. ءارى ءومىرىڭىزدى كەز - كەلگەن تۇستان مۇلدە باسقا باعىتقا وزگەرتۋگە دە باتىلىڭىز جەتەدى.
اشىق قوڭىر ءتۇستى كوز
الەمدەگى ەڭ كوپ قوي كوزدى ادامدار ەكەن. اينالاڭىزداعىلار سىزگە ۇلكەن قۇرمەتپەن قارايدى. ءسىز سەنىمدى ءارى مىنەزى جۇمساق جانسىز. ءسىز جاڭاشىلدىققا بەيىمسىز. ياعني جاڭا دۇنيەنى تەز مەڭگەرىپ الۋعا بەيىمسىز. ءسىز ۇيلەسىمدىلىكتى بىردەن بايقايسىز. ءارى ءوز قيالىڭىز كيىنۋ ءستيلى مەن بەزەندىرۋ، ساندەۋگە ەرەكشە ەرىك بەرەدى.
جاسىل كوز
ەڭ سيرەك كەزدەسەتىن ءتۇس. جاسىل كوزدى ادامدار- وتە جۇمباق ءارى ەلىكتىرگىش كەلەدى. ءسىز ءوز ويىڭىزدى جۇزەگە اسىرۋدىڭ جولدارى مەن تەتىكتەرىن ەرەكشە سەزەسىز. ءسىز شىعارماشىلىقتا كوپتەگەن ساتتىلىكتەر مەن جەڭىستەرگە جەتە الاسىز. ءسىز ءوز ەركىڭىزبەن ءارى ءوز كوڭىل- كۇيىڭىزبەن جۇرەتىن ادامسىز. اينالاڭىزداعىلار سىزگە قاتىستى جوسپارىن كوپ جاعدايدا جۇزەگە اسىرا المايدى. سەبەبى ءسىز وزىڭىزگە قاتىستى دۇنيەنى ءوز قالاۋىڭىزبەن شەشەتىن ادامسىز.
