ديماشتىڭ قىتايدا قالاتىنى راس پا؟
بۇل تۋرالى «تاڭشولپان» باعدارلاماسىندا ايتىلدى.
قىتايلىق باعدارلاما ديماشتىڭ وتاندىق ارنالارعا سۇحبات بەرۋىنە تىيىم سالعان ەكەن. ياعني وتانداسىمىز بەلگىلى ءبىر مەرزىمگە دەيىن قازاقستاندىق ارنالار مەن باسىلىمدارعا سۇحبات بەرە المايدى. ەسەسىنە ونىڭ جاقىندارى شىعارماشىلىعىنداعى جاڭالىقتارىن ءبولىسىپ جاتىر. جان دوسى ءارى مەنەدجەرى الپامىس ءشارىموۆ ديماش قۇدايبەرگەنوۆتىڭ قىتايدا قالمايتىنىن ايتتى. دەسە دە، ونىڭ الەمدىك ساحنالاردا ونەر كورسەتۋگە تالپىنىپ جۇرگەنىن جاسىرمادى.
«ءبىز ەلگە كەشە كەلدىك. ديماشتى ماراپاتتاپ، قارسى الۋ ءراسىمى ءوتتى. ءالى دە وتانداسىمىزدى كۇتىپ تۇرعان اۋقىمدى شارالار بار. وسى سۇراقتىڭ بىردەن نۇكتەسىن قويعىم كەلەدى. بۇل - جالعان اقپارات. ول قازاقتىڭ جەرىندە دۇنيەگە كەلدى، قازاق دەپ جۇرەگى سوعىپ تۇر، قازاقشا ءان شىرقاپ، قازاقتىڭ كيىمىن كيىپ، اباي جولىن ناسيحاتتاپ، مۇقاعاليدىڭ ولەڭدەرىن وقىپ، داي-ديداۋدى شىرقاپ، دومبىرانى تارتىپ جۇرگەن جىگىت قالاي وزگە ەلدە ءومىر سۇرەدى؟ ! ونىڭ ءوز ەلى، وتانى بار. ءبىراق، ديماش سەكىلدى انشىلەر الەم ءۇشىن جارالعان. ولار - الەمنىڭ انشىلەرى. ياعني قازاقتىڭ ونەرىن نايسحاتتاۋ ءۇشىن ديماش شەتەلدە كوپ ەڭبەكتەنبەك. بۇگىن، ءتىپتى، ءبىز بىلمەيتىن مەملەكەتتەردەن شاقىرتۋ ءتۇسىپ جاتىر. ۇسىنىستار وتە كوپ. بارلىق جەردە ديماش قازاقتىڭ مادەنيەتىنىڭ قانداي ەكەنىن كورسەتىپ ءجۇر»، - دەيدى الپامىس مىرزا.
