الىبەك اسقاروۆ، جازۋشى: رۋحاني جاڭعىرۋدىڭ نەگىزگى ۇستىنى - ءبىرتۇتاس ۇلت بولۋ
بۇل تۋرالى «ەگەمەن قازاقستان» گازەتىندە جاريالانعان جازۋشى، مەملەكەتتىك سىيلىقتىڭ لاۋرەاتى، الىبەك اسقاروۆتىڭ قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان ءابىش ۇلى نازاربايەۆتىڭ «بولاشاققا باعدار - رۋحاني جاڭعىرۋ» اتتى ماقالاسىنا وراي بىلدىرگەن پىكىرىندە ايتىلعان.
«اسا مارتەبەلى نۇرسۇلتان ءابىش ۇلى! ءبىز - كىتاپحاناشىلار، بيبليوگرافتار، ارحيۆيستەردىڭ ۇجىمى بولىپ وتىرعان ۇلتتىق مەملەكەتتىك كىتاپ پالاتاسى اتىنان رۋحاني جاڭعىرۋعا بايلانىستى بولاشاققا باعدارىمىزبەن تانىسىپ، بارشامىزدىڭ زور قۋانىشقا بولەنىپ وتىرعانىمىزدى سىزگە جەتكىزگىمىز كەلەدى. بۇل باعداردى زيالى قاۋىم كوپتەن كۇتكەن. كوكتەم شۋاعىمەن جەتكەن جاقسىلىق حابارداي بولدى. جىل باسىندا جاريالانعان تۋعان ەلىمىزدىڭ ءۇشىنشى جاڭعىرۋى باستالعان سوڭ ساياسي جانە ەكونوميكالىق جاڭعىرۋدى جاريالادىڭىز. ءوزىڭىز ايتقانداي، ەتەك- جەڭىمىزدى جيناپ، ەكونوميكامىزدى نىقتاپ الساق، قالعان يگىلىكتەر دە رەت- رەتىمەن جۇزەگە اسا جاتار دەگەن ءسوزىڭىزدىڭ ورىندالىپ جاتقانىنا كۋا بولۋدامىز»، - دەيدى جازۋشى. سونداي-اق ول رۋحاني جاڭعىرۋ بۇگىننەن باستالماعانىن، تاۋەلسىزدىگىمىزدىڭ 25 جىلىندا تاريحىمىزدى ۇلىقتاعان، مادەنيەتىمىزدى كوتەرگەن، جوعىمىزدى تاۋىپ، بارىمىزدى بايىتقان كوپتەگەن تىندىرىمدى جۇمىستار جاسالعانىن ايتادى.
«ءبىراق بۇل جولعى رۋحاني جاڭعىرۋدىڭ ءجونى بولەك، ماڭىزى ەلىمىز ءۇشىن ايرىقشا ەكەنى داۋسىز. ونىڭ نەگىزگى ۇستىنى - ءبىرتۇتاس ۇلت بولۋ جولىنا كوشىپ، كەمەل كەلەشەگىمىزدى جان- جاقتى ءارى تەرەڭ زەردەلەۋگە ارنالىپ وتىر. بولاشاقتى باياندى ەتۋ جولىنداعى بۇل تەڭدەسسىز تاريحي مۇمكىندىكتى ءبىز بارىنشا پايدالانامىز دەپ ۋادە بەرەمىز. وسى جولدا بارشا كاسىبي ءبىلىمىمىزدى، قايراتىمىز بەن كۇش- جىگەرىمىزدى ايانباي جۇمسايمىز دەپ ءوزىڭىزدى سەندىرەمىز»، - دەپ جازادى ۇلتتىق مەملەكەتتىك كىتاپ پالاتاسى ۇجىمى اتىنان الىبەك اسقاروۆ.
