اسحات تارعىن كەلىنشەگىن تولىق تانىمايتىن بولىپ شىقتى
بۇل تۋرالى ك ت ك ارناسىنىڭ «ينستالايىق» باعدارلاماسىندا ايتىلدى.
جۋىردا اسحات تارعىنوۆ ەكىنشى رەت شاڭىراق كوتەردى. وزىنەن ون ءۇش جاس كىشى قىزعا ۇيلەنگەن ءانشى 500 ادامعا ارناپ توي جاسادى. اتالعان تويعا ول 9 ميلليون اقشا جۇمساعان. جاس كەلىننىڭ بەتىن ءومىرقۇل اينيازوۆ اشتى. ال ءانشىنىڭ ءوزى سۇيىكتىسىن تولىق تانىمايتىن بولىپ شىقتى. سەبەبى، ول جۇبايىنىڭ قاي سالانىڭ مامانى ەكەنىن بىلمەيدى.
«حالىقتىڭ باتاسىن الىپ وتىرعان سوڭ ءۇي بولۋدىڭ ۇلكەن جاۋاپكەرشىلىك ەكەنىن سەزىندىم. بەرىلگەن باتاعا ساي بولۋىمىز كەرەك. جۇبايىم ونەر ادامى ەمەس. ءبىراق مەنىڭ ونەرىمدى تۇسىنەدى دەگەن ويدامىن. شىنى كەرەك، ونىڭ قاي سالانىڭ مامانى ەكەنىن ۇمىتىپ قالدىم. ج و و- نى بىلتىر عانا بىتىرگەن بولاتىن. ول - بىرنەشە جىلدىڭ، بىرنەشە قىزدىڭ اراسىنان تابىلعان قىز»، - دەيدى اسحات تارعىن.
ءانشىنىڭ تويىنا وزىمەن جاعا ۇستاسقان اسابا دا كەلگەن ەكەن. كوپشىلىك وسىعان دەيىن بولعان توبەلەستى قارا پيارعا بالادى. دەسە دە، مۇنى اسابانىڭ ءوزى مويىندامادى. «اسحات ءوزىمىزدىڭ دوسىمىز. ەكەۋىمىز تاتۋلاستىق. اعالارىمىز دا «توبەلەسىپ الىپ تويعا كەلدىڭ بە» دەپ قالجىڭداپ جاتىر»، - دەيدى اسابا.
