جاپونيادا سوزدەن سۇرىنگەن مينيستر قىزمەتىنەن كەتتى

سەيسەنبىدە بانكەتتە ءسوز سويلەگەن مينيستر 2011 -جىلى سۋناميدەن زارداپ شەككەندەرگە قاتىستى ەكىۇشتى پىكىر بىلدىرگەن. ول 2011 -جىلى بولعان اپات سالدارىنىڭ سوماسى 25 تريلليون يەن (شامامەن 227 ميلليارد دوللار) ەكەنىن ايتىپ، بىلاي دەپ قوستادى:

«مۇنىڭ توحوكۋدا بولعانى جاقسى (حونسيۋ ارالىنىڭ سولتۇستىگىندەگى اۋدان، وسى اۋدان ەڭ قاتتى زارداپ شەككەن بولاتىن - اۆت. )، سەبەبى استاناعا جاقىن ماڭدا بولسا، شىعىن كولەمى بۇدان دا كوپ بولار ەدى».

قوعامدا بۇل سوزدەر 20 مىڭعا جۋىق ادام قازا تاپقان پەرفەكتۋرالارعا قۇرمەتسىزدىك رەتىندە باعالاندى. جاپونيانىڭ پرەمەر-ءمينيسترى سيندزو ابە يمامۋرانىڭ وسى ءسوزى ءۇشىن كەشىرىم سۇرادى. شەنەۋنىكتىڭ داۋ تۋعىزعان سوزدەرى مۇنىمەن بىتپەيدى ەكەن. يمامۋرا ءۇش اپتا بۇرىن «فۋكۋسيما-1» ا ە س- ىندە بولعان اپاتتان فۋكۋسيما پەرفەكتۋراسىنىڭ تۇرعىندارىنىڭ ءوز ۇيىنە قايتۋدى «جەكە باستارىنىڭ ءىسى» دەپ مالىمدەپ، باسى داۋعا قالعان ەكەن.

ونىڭ ۇستىنە باسپا ءسوز ءماسليحاتى اياقتالعان كەزدە ول وسى سۇراقتى قويعان جۋرناليسكە «بۇل جەرگە ەشقاشان كەلمەۋدى» جانە «اۋىزدى جابۋدى» بۇيىرعان. سول ۋاقىتتا پرەمەر-مينيستر ابە ءمينيستردى قورعاپ قالعان ەدى. ال ەندىگى داۋ-دامايدان كەيىن ماساحيرو يمامۋرانىڭ وتستاۆكاسى قابىلدانىپتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى