ەكس پرەمەر-مينيستر سەرىك احمەتوۆتىڭ تۇرمەدەگى سۋرەتى جاريا بولدى
ەكس پرەمەر-مينيستر فوتوعا جازاسىن وتەپ جاتقان تۇزەۋ مەكەمەسىنىڭ فۋتبول كومانداسىمەن بىرگە تۇسكەن دەپ حابارلايدى 31- ارنا.
جەلىدە تاراعان بۇل فوتودا سەرىك احمەتوۆ ءبىر توپ جىگىتتىڭ ءدال ورتاسىندا تۇر. سۋرەت بۇرىنعى پرەمەر-مينيستر جازاسىن وتەپ جاتقان قاراعاندىنىڭ قاراباس ەلدى-مەكەنىندەگى تۇزەۋ مەكەمەسىندە تۇسىرىلگەن. سپورتتىق كيىمدەرمەن سۋرەتكە تۇسكەن سوتتالۋشىلاردىڭ فۋتبول كومانداسى دا ا ك 15918 دەپ اتالادى ەكەن.
بيۋجەت قارجىسىن جىمقىردى دەپ ايىپتالعان سەرىك احمەتوۆ قاراعاندى وبلىسىنىڭ 20 لاۋازىمدى تۇلعاسىمەن بىرگە اۋەلى ون جىلعا سوتتالعان. كەيىن كەرى شاعىمنىڭ ارقاسىندا جازاسى ەكى جىلعا ازايعان بولاتىن.
بيىل قازاقستان تاۋەلسىزدىگىنىڭ 25 جىلدىعىنا جاريالانعان راقىمشىلىققا ىلىگىپ، بۇرىنعى شەنەۋنىكتىڭ سەگىز جىلىنىڭ تورتتەن ءبىر بولىگى قىسقاردى. ەندى سەرىك احمەتوۆ اباقتىدا ءالى ءتورت جىل التى اي وتىرادى.
ايتا كەتۋ كەرەك، بۇگىندە ۇكىمەتتى ەكى جىل باسقارعان ەكس پرەمەردەن وزگەسىنىڭ ءبارى تۇرمەدەن شىققان.
