قىتايلىق كومپانيا قازاقستانداعى جەل ەنەرگەتيكاسىن ينۆەستيتسيالايدى
بۇل تۋرالى «قازاقپارات» ح ا ا- نىڭ قىتايداعى مەنشىكتى تىلشىسىنە كورپوراتسيانىڭ جوعارى ۆيتسە- پرەزيدەنتى دۋان داۆەي ايتىپ بەردى.
«بيىل نۇرسۇلتان نازاربايەۆ قازاقستان حالقىنا ارناعان جولداۋىندا قازاقستاندا ءوندىرىس سالۋ ءۇشىن قىتايمەن بىرلەسكەن ينۆەستيتسيالىق باعدارلاماسىن ءتيىمدى جۇزەگە اسىرۋ قاجەتتىگىن اتاپ ءوتتى. بۇل قىتايلىق بيزنەستى ىنتالاندىرا ءتۇسىپ، ەكى ەلدىڭ كاسىپكەرلەرى اراسىنداعى ىنتىماقتاستىقتىڭ بولاشاعىنا جول اشادى. ءبىزدىڭ كومپانيا قازاقستاندا قۇرىلىس تەحنيكالارىن جەتكىزۋدى قامتاماسىز ەتۋ سالاسىندا تۇراقتى تۇردە جۇمىس جاساپ كەلەدى. جاقىندا عانا قازاقستاندىق ارىپتەستەرمەن جەل ەنەرگەتيكاسى سالاسىنداعى جوبانى بىرىگىپ قارجىلاندىرۋ تۋرالى كەلىسىم جاساستىق. جۋىق ارادا قازاقستانعا دەلەگاتسيا جىبەرەمىز»، - دەدى ول.
كاسىپكەر ق ر- نىڭ ق ح ر- داعى ەلشىسى شاحرات نۇرىشيەۆپەن كەزدەسكەنىن ەسكە الىپ، قازاقستانداعى ماشينا جاساۋ سالاسىنداعى ينۆەستيتسيالىق جوسپارلارىمەن ءبولىستى. ونىڭ ايتۋىنشا، قازاقستان قىتايلىق ينۆەستيتسيالار ءۇشىن ماشينا جاساۋ، تەمىرجول جانە تەڭىز پورتى لوگيستيكاسى، سونداي- اق «جاسىل ەنەرگەتيكا» سالالارىندا وڭتايلى نارىق بولىپ تابىلادى.
