جوعارى وقۋ ورىندارىنا باسقارۋ ەركىندىگى بەرىلەدى
ارنايى زاڭ جوباسىن بۇگىن ۇكىمەتتە ق ر ءبىلىم جانە عىلىم ءمينيسترى ەرلان ساعاديەۆ تانىستىردى. وتىرىستا دەنساۋلىق سالاسى مەن قىلمىستىق كودەكسكە ەنگىزىلگەلى جاتقان جاڭاشىلدىقتار دا تالقىلاندى.
مينيسترلەر كابينەتىنىڭ بۇگىنگى وتىرىسىندا ءبىلىم جانە دەنساۋلىق ساقتاۋ سالالارىنا قاتىستى ءبىرقاتار زاڭناما مەن تۇجىرىمداما قارالدى. العاشقىسىنا توقتالساق، ەندى ەلىمىزدەگى جوعارى وقۋ ورىندارىنىڭ ءوزىن- ءوزى باسقارۋ ەركىندىگى كەڭەيمەك. ياعني، ولارعا ستۋدەنتتەردى قابىلداۋ، ءبىلىم بەرۋ باعدارلامالارىنىڭ مازمۇنىن انىقتاۋ سەكىلدى قۇقىقتار بەرىلەدى. زاڭ جوباسى اياسىندا ءبىر ماماندىقتا وقىپ جۇرگەن ستۋدەنتتەرگە ءوز بىلىمدەرىن تولىقتىرۋ ءۇشىن قوسىمشا ماماندىقتى يگەرۋ مۇمكىندىگى دە اشىلماق.
ەرلان ساعاديەۆ، ق ر ءبىلىم جانە عىلىم ءمينيسترى:
- بۇگىنگى تاڭدا جوعارى جانە جوعارعى وقۋ ورنىنان كەيىنگى ءبىلىم بەرۋدە شامامەن 600 ماماندىق بار. جاڭا ءتاسىل ەنگىزىلگەن سوڭ، دايارلاۋدىڭ 10 باعىتى پايدا بولادى. ونىڭ ىشىندە ەكونوميكالىق ىنتىماقتاستىق جانە دامۋ ۇيىمى ەلدەرىندەگىدەي، ج و و- نىڭ 600-دەن دە كوپ دەربەس ءبىلىم بەرۋ باعدارلاماسى بولادى. بۇعان دەيىن مۇنداي ارتىقشىلىقتار تەك ۇلتتىق جوعارعى وقۋ ورىندارىندا عانا بولعان.
سونداي- اق ۇكىمەت وتىرىسىندا جاڭا قوعامدىق دەنساۋلىق ساقتاۋ قىزمەتىن قۇرۋ ماسەلەسى دە تالقىلاندى. قازاقستاندا الەم ەلدەرىندەگىدەي ادام ولىمىنە سوزىلمالى جۇقپايتىن اۋرۋلار سەبەپ بولادى: ارتەريالى قىسىمنىڭ كوتەرىلۋى، وكپەنىڭ سوزىلمالى وبسترۋكتيۆتى اۋرۋى، قانت ديابەتى جانە ونكولوگيالىق اۋرۋلار. وسى ورايدا ق ر دەنساۋلىق ساقتاۋ مينيسترلىگى ءار قالا مەن اۋىلدا جاڭا قوعامدىق دەنساۋلىق ساقتاۋ قىزمەتىن قۇرىپ، اۋرۋلاردىڭ الدىن الۋ شارالارىن ۇدەتپەك. سەبەبى ەلىمىزدە جالپى مەديتسينا سالاسىنا بولىنەتىن قارجىنىڭ 90 پايىزدان استامى كەش ەمدەلەتىن اۋرۋلارعا شىعىندالادى ەكەن.
ەلجان ءبىرتانوۆ، ق ر دەنساۋلىق ساقتاۋ ءمينيسترى:
- ءبىز ەكونوميكالىق ىنتىماقتاستىق جانە دامۋ ۇيىمى ەلدەرىنىڭ قوعامدىق دەنساۋلىق ساقتاۋ قىزمەتىندەگى تاجىريبەلەرىنە تالداۋ جاساپ، وتكەن عاسىرلارداعى سانيتارلىق قىزمەتتەردىڭ ورنىنا قوعامدىق دەنساۋلىق ساقتاۋ قىزمەتى كەلگەنىنە كوز جەتكىزدىك. وسىعان بايلانىستى حالىقارالىق تاجىريبە ەلىمىزدە قوعامدىق دەنساۋلىق ساقتاۋدىڭ ءبىرىڭعاي قىزمەتىنە كوشۋ قاجەتتىگىن كورسەتەدى. ونىڭ نەگىزگى فۋنكسيالارىنىڭ ءبىرى ەڭبەك، تاماق ونىمدەرىنىڭ قاۋىپسىزدىگىن قامتاماسىز ەتۋ، سونىمەن قاتار اۋرۋلاردىڭ الدىن الۋ بولادى.
khabar.kz
