استانادا «الەم تانىعان ديماش» اتتى مەرەكەلىك كەش ءوتىپ جاتىر- فوتو

 دەپ حابارلايدى قازاقپارات ءتىلشىسى.

 ايتا كەتكەن ءجون، «قازاقستان» كونسەرت زالىنداعى «الەم تانىعان ديماش» اتتى مەرەكەلىك كەشتىڭ شاقىرۋ بيلەتتەرىندە شارانىڭ باستالۋ ۋاقىتى 17:00-گە بەلگىلەنگەن ەدى. الايدا ديماشتىڭ جانكۇيەرلەرى ودان بۇرىن جينالدى. جوسپار بويىنشا الدىمەن ديماشتى سىرتتان كۇتىپ الۋ ءراسىمى تۇردى. سول سەبەپتى جينالعان جۇرتتى بىردەن عيماراتقا كىرگىزبەدى. جاستار ءوز كۋميرىن اسىعا كۇتتى. سودان بولار، ەكى- ءۇش ساعاتتىڭ قالاي ءوتىپ كەتكەنىن دە بايقاماي قالدى. دەگەنمەن، سىرتتا وتىراتىن ورىن بولماعاندىقتان، قاريالار قينالىپ قالدى.

تۋرا 19:00-دە قارا «مەرس» مىنگەن ديماش كەلدى. كەلدى دە، بارلىق جانكۇيەرلەرىنىڭ كوڭىلىن تابۋعا تىرىستى. سەلفيگە تۇسكىسى كەلگەنمەن فوتوعا ءتۇسىپ، قولتاڭبا سۇراعاندارعا دا ۋاقىتىن ايامادى. كىشكەنتاي بالالاردىڭ دا قولىنان ۇستاپ، ءوز ىقىلاسىن ءبىلدىردى. ءسويتىپ، قىزىل كىلەممەن «قازاقستان» كونسەرت زالىنا كىرىپ كەتتى. سول جەردە ءوز دوستارىمەن دە قۇشاقتاسىپ تۇرىپ، امانداسىپ ۇلگەردى.

 ايتا كەتەيىك، مەملەكەتتىك «دارىن سىيلىعىنىڭ يەگەرى ديماش قۇدايبەرگەن قىتايداعى «I am Siger» بايقاۋىندا ەكىنشى ورىندى جەڭىپ الدى. جاقىندا ول ق ر پرەزيدەنتىنىڭ ستيپەندياسىنا يە بولدى.

 اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى