بۇرىنعى اكىم سۇلتانوۆتىڭ ۇيىمداسقان قىلمىسپەن بايلانىسى بار- جوعى تەكسەرىلۋى مۇمكىن
بۇرىنعى اكىم ەرىك سۇلتانوۆتىڭ دا ولارمەن بايلانىسى بار بولۋى مۇمكىن دەيدى. بۇل ءوتىنىشىن ول قازاقستان حالقى اسسامبلەياسىنىڭ كەڭەيتىلگەن وتىرىسىنا قاتىسقان ق ر مەملەكەتتىك قىزمەت ىستەرى مەن سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى اليك شپەكپايەۆقا جەتكىزدى، دەپ حابارلايدى قازاقپارات ءتىلشىسى.
«مەن ءوزىم كاسىپكەرمىن. مەنىڭ جەر ۋچاسكەمدە زاڭسىز ءبىر عيماراتتى كوتەرىپ قويعان. باس مەردىگەرى - اعايىندى كوشاليەۆتەر. 1998 -جىلدان بەرى ولار ۇيىمداسقان قىلمىستىق توپتىڭ جەتەكشىلەرى رەتىندە تىركەلگەن. وسى جەردە ءبىر سۇراق تۋىندايدى. بۇرىنعى اكىم سۇلتانوۆ پەن كوشاليەۆتەر اراسىندا قانداي بايلانىس بولدى؟ ءۇش جىل بويى ول ۇيىمداسقان قىلمىستىق توپقا ارقا سۇيەگەن. بۇل - ۇلكەن ماسەلە. سولتۇستىك قازاقستاندا ءونىم ءوندىرۋ كولەمىن ەكى ەسە ارتىق جازىپ كەلگەن، ءبارىن قولدان جاسادى. ال ءجۇز مىڭداعان جەرلەرگە ءونىم ەگىلمەي قالدى. ول دا ميللياردتاعان اقشانىڭ كوزى بولسا كەرەك. وسىنى نازارعا الۋدى سۇرايمىز. كەرەك بولسا، ارنايى ورگاندار مەن اگەنتتىك قىزمەتكەرلەرىن بەتتەستىرىپ، ءبارىن اشىق ايتۋعا دايارمىز»، - دەدى زاحاروۆ.
ءوز كەزەگىندە ق ر مەملەكەتتىك قىزمەت ىستەرى مەن سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى اليك شپەكپايەۆ ءبارىن ءوز كىتاپشاسىنا ءتۇرتىپ الىپ: «بۇرىنعى اكىمنىڭ بايلانىسى بار دەيسىز، ءونىم كولەمىن قولدان وسىرسە، ءبارىن تەكسەرەيىك. بىزدە ونداي مۇمكىندىك بار. مەن تاپسىرما بەرەمىن. سوسىن ءبارىن تەكسەرەتىن بولامىز. سىزگە جازباشا تۇردە جاۋاپ بەرەمىن»، - دەدى. اتامان زاحاروۆتىڭ ايتۋىنشا، بۇعان دەيىن ول باس پروكۋروردىڭ ورىنباسارى يوگان مەركەلگە حات جازعان.
الايدا اعايىندى كوشاليەۆتەر ونىڭ ۇستىنەن ارىز ءتۇسىرىپ ۇلگەرگەن. سودان ول ءبىر جىل بويى اۋرە- سارساڭعا ءتۇستى، تەرگەۋگە الىندى. الايدا وعان قاتىستى كۇدىكتەر دالەلدەنبەدى. «ەندى، مەن جەمقورلىققا قارسى اگەنتتىكتىڭ كومەگىن كورەيىن دەپ ەدىم»، - دەيدى زاحاروۆ. ايتا كەتەيىك، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى قازاقستان حالقى اسسامبلەياسىمەن بىرلەسە وتىرىپ، حالىق اراسىندا سىبايلاس جەمقورلىققا قارسى مادەنيەتتى قالىپتاستىرۋدى كوزدەيدى. وسىعان وراي، بۇگىن مەملەكەتتىك ورگان مەن قوعامدىق ۇيىم اراسىندا ءوزارا ارىپتەستىك تۋرالى مەموراندۋمعا قول قويىلىپ، بىرلەسكەن ءىس- شارالار جوسپارى بەكىتىلدى.
اۆتور: ارمان اسقاروۆ
