قانات يسلامنىڭ پروموۋتەرى بوكسشىعا قارسىلاس تاڭداۋدا سىنعا ۇشىرادى
«مۇنداي جەڭىلىسى كوپ قارسىلاستىڭ نە قاجەتى بار ەكەنىن بىلمەيمىن. بۇل قاناتقا شەبەرلىك پەن ابىروي الىپ كەلمەيدى. قانات يسلام وڭىرلىك دەڭگەيدەن شىعىپ، چەمپيوندىق كەزدەسۋلەرگە تالپىنۋى ءتيىس. ونىڭ پروموۋتەرىنىڭ نە ويلاعانىن بىلمەيمىن. ول تەك قاناتتىڭ ەل اۋزىندا جۇرە بەرگەنىن قالايدى، ءبىراق تيتۋلدىق كەزدەسۋگە مۇلدەم تالپىنىسى جوق. بۇلاي ءبىر- ەكى جىل جالعاسۋى مۇمكىن، سودان كەيىن ونىڭ دا ۋاقىتى كەلەدى. چەمپيون بولىپ قالعانى دۇرىس»، - دەدى دەميانەنكو.
ماماننىڭ ايتۋىنشا، قاناتتىڭ قانشا جۇدىرىقتاساتىنى بەلگىسىز. ءبىر ورىندا تۇرا بەرۋ وتە قيىن ەكەنىن جەتكىزدى. «بوكسشىلاردىڭ ماقساتى قانداي؟ چەمپيون بولۋ. يسلامنىڭ پروموۋتەرى مۇنداي ماقساتتى كوكسەپ جۇرگەن جوق. مەن قاناتتى بوكسشى رەتىندە جانە ادام رەتىندە دە جاقسى كورەمىن، الايدا ونىڭ ءوزىن كورسەتە الماي جۇرگەنىنە ىشتەي كۇيىنەمىن. نەگىزىندە ول بۇرىندا كوزگە تۇسكەن، ءبىراق ول ەش ناتيجە كورگەن جوق.
ونى اناۋ "نەلسون ماندەلا" كوتەرىپ جاتقان جوق، ءبىراق ءبىزدىڭ تاراپتان وعان بارلىق كومەك كورسەتىلىپ جاتىر. وسىعان دەيىن قانات يسلامنىڭ وكىلى بەرىك سۇلتان كەلەسى قارسىلاسى مەن قاشان وتەتىنىن جاريالاعان بولاتىن. ونىڭ قارسىلاسى مەكسيكالىق نوربەرتو گونسالەس بولدى.
