قازاقستان لەگيونەر فۋتبولشىلارعا بيۋجەت قارجىسىنان جالاقى تولەۋدى دوعارادى
بۇل تۋرالى بۇگىن ق ر پارلامەنتى سەناتىنىڭ الەۋمەتتىك-مادەني دامۋ جانە عىلىم كوميتەتىندە «دەنە تاربيەسى جانە سپورت ماسەلەلەرى بويىنشا ق ر- نىڭ ءبىرقاتار زاڭنامالىق اكتىلەرىنە وزگەرتۋلەر مەن تولىقتىرۋلار ەنگىزۋ جونىندەگى» زاڭ جوباسىن تالقىلاۋ بارىسىندا مادەنيەت جانە سپورت ۆيتسە-ءمينيسترى ساكەن مۇسايبەكوۆ ءمالىم ەتتى، دەپ حابارلايدى قازاقپارات.
ونىڭ ايتۋىنشا، زاڭ جوباسىنا سايكەس سارالاۋ جولىمەن سپورتتىڭ باسىمدىققا يە وليمپيادالىق تۇرلەرى قارجىلاندىرىلاتىن بولادى. سونداي-اق 5 ولشەم بويىنشا انىقتالىپ، ولاردىڭ نەگىزى حالىقارالىق دەڭگەيدەگى جەتىستىكتەر بولماق. مۇنان بولەك، مەملەكەت قارىزىن بولۋدەگى جاۋاپتى ورگان ەلىمىزدىڭ ۇلتتىق وليمپيادا كوميتەتى بولىپ بەكىتىلەدى.
«ءبىز تاريحتا العاش رەت مەملەكەتتىك تاپسىرمانى مينيسترلىكتەن ۇلتتىق وليمپيادالىق كوميتەتكە بەرمەكپىز. بۇل وليمپيادالىق سپورت تۇرلەرى فەدەراتسيالارىن دامىتۋ ءۇشىن جاسالىپ وتىر. ارينە، بۇل سپورتتىڭ باسقا تۇرلەرى قارجىلاندىرۋسىز قالادى دەگەندى بىلدىرمەيدى. دەگەنمەن قازىرگىدەي ءوز قالاۋىڭمەن 100 پايىز بيۋجەتتىڭ 40-45 پايىزىن، كەيبىر وبلىستاردا 50 پايىزىنا دەيىن كاسىبي فۋتبول كلۋبتارىن ۇستاپ تۇرۋعا جۇمساي المايسىز»، - دەدى ۆيتسە-مينيستر.
ءوز كەزەگىندە ق ر م س م سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەلسيار قاناعاتوۆ كاسىبي فۋتبول كلۋبتارىنىڭ وزدەرىنىڭ دەمەۋشىلەرى بار ەكەندىگىن باسا ايتتى.
«وسى زاڭمەن بيۋجەت قارجىسى ەسەبىنەن لەگيونەرلەرگە جالاقى تولەۋدى مۇلدەم دوعارماقپىز. ەگەر لەگيونەر شاقىرعىڭ كەلسە دەمەۋشى، جەكە قاراجات تاپ. سارالاۋ جولى ارقىلى سپورتتىڭ باسىمدىققا يە تۇرلەرىنە قارجىلاندىرۋدى ارتتىرعىمىز كەلىپ وتىر. ماسەلەن بايداركا مەن كانوە ەسۋ وڭتۇستىك قازاقستان وبلىسىندا باسىمدىققا يە بولعانىمەن بارلىق قۇرىلىمداردا ىسكە قوسىلماعان. بالالار-جاس وسپىرىمدەر سپورت مەكتەبىندە، وبلىستىق ينتەرناتتا، وليمپيادالىق رەزەرۆ دايىنداۋ ورتالىعى مەن جوعارى سپورتتىق شەبەرلىك مەكتەبىندە بايداركا مەن كانوە ەسۋدەن سىنىپتار بولۋى قاجەت. ياعني ساباقتاستىق بولۋى ءتيىس»، - دەدى ەلسيار قاناعاتوۆ.
اۆتور: مارلان جيەمباي
