سولتۇستىك كارولينادا قولتىراۋىندار گولف الاڭىندا ايقاستى - كەسكىن
جىرتقىشتار ويىنعا ارنالعان الاڭداعى سۋ قويماسى جاعاسىندا ايقاسقان، دەپ حابارلايدى UPI.
باقىلاۋشىلاردىڭ ايتۋىنشا، ءبىر قولتىراۋىننىڭ ۇزىندىعى ءۇش جارىم مەتردەن استام.
ال ونىڭ قارسىلاسى شامامەن ءبىر مەترگە قىسقا. ول وزىنەن ءىرى قولتىراۋىننىڭ قاقپانشا قىسقان جاعىنان بوساپ شىققىسى كەلدى، ءبىراق ونى جىبەرمەدى.
قولتىراۋىن قوزعالىسسىز قالعاندا، گولفشىلەر ءولدى دەپ ويلاعان. ءبىراق، ءبىر مينۋتتان سوڭ ايقاس قايتا جانداندى.
قولتىراۋىن قارسىلاسىنان سىتىلىپ شىعىپ، ءجۇزىپ كەتتى. گولف ويىنشىلارىنىڭ ءبىرى مۇنى ۆيدەوعا ءتۇسىرىپ، ءوزىنىڭ YouTube-ارناسىنا جاريالادى.
