ەلوردالىق «استانا ارلاندارىنىڭ» شيرەك فينالداعى قارسىلاستارى انىقتالدى

جوبانىڭ جەتىنشى ماۋسىمىنداعى شيرەك فينالدا «ارلاندارىمىز» رەسەيلىك «رەسەي پاتريوتتارى» كومانداسىمەن كەزدەسەدى. العاشقى ايقاس 11- مامىردا كەمەروۆو قالاسىندا وتسە، ەكىنشى قارىمتا كەزدەسۋ 20- مامىردا الماتىداعى «الماتى-ارەنا» سپورت كەشەنىندە وتەدى.

وتانداستارىمىز بيىلعى ماۋسىمنىڭ توپتىق كەزەڭىندە «رەسەي پاتريوتتارى» كوماندالارىمەن ەكى رەت ايقاسقان بولاتىن. ماسكەۋدە بولعان بىرىنشىسىندە «ارلاندار» 3:2 ەسەبىمەن باسىم تۇسسە، تاراز تورىندە وتكەن كەزدەسۋدە 4:1 ەسەبىمەن جەڭدى.

«استانا ارلاندارى» مەن «رەسەي پاتريوتتارى» كومانداسى اراسىنداعى جەڭىمپاز جارتىلاي فينالدا «يتاليا تاندەر» - «كولۋمبيا حەرويكوس» جۇبىنىڭ جەڭىمپازىمەن كەزدەسەدى.

سونىمەن قاتار بيىلعى ماۋسىمنىڭ شيرەك فينالىندا «وزبەك جولبارىستارى» «كۋبا قابىلاندارىمەن» كەزدەسسە، «فرانس فايتينگ رۋستەرس» مەن «بريتيش لاينحارتس» جانە «يتاليا تاندەر» مەن «كولۋمبيا حەرويكوس» جۇپتارى كۇش سىناسادى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى