ورالدىق جەكپە-جەك شەبەرى اقتاۋدا وتكەن حالىقارالىق جارىستا جەڭىمپاز اتاندى

اتالمىش جارىسقا قازاقستان مەن رەسەيدەن 20 سپورتشى قاتىستى. قازاقستاننان اقتوبە، اتىراۋ، اقتاۋ جانە ورال قالاسىنىڭ جەكپە-جەك شەبەرلەرى باق سىنادى.

بارلىعى 20 ۇرىس بولسا، سونىڭ ەكەۋى 84 كەلىگە دەيىنگى سالماقتاعى NFC WEST فينالدىق باسەكەسى ەدى.

ەڭ باستى ۇرىس باتىس قازاقستاندىق تەمىرلان يحسانعاليەۆ پەن شەشەنستان ەلىنىڭ وكىلى رۋستام اليەۆتىڭ اراسىندا ءوتتى.

«Championchip» كلۋبىنىڭ جەتەكشىسى نۇربەك قارابالايەۆتىڭ ايتۋىنشا، 20 ۇرىستىڭ تورتەۋىندە قازاقستاندىق پەن رەسەيلىك سپورتشىلار ءوزارا سىنعا ءتۇستى.

سونىڭ ۇشەۋىندە قازاقستاندىقتار جەڭىلىس تاپسا، تەمىرلان يحسانعاليەۆ قارسىلاسىن ايقىن باسىمدىلىقپەن ۇتتى.

جارىستى ماڭعىستاۋ وبلىسىنىڭ اكىمى ەرالى توعجانوۆ تاماشالاپ، ت. يحسانعاليەۆكە جۇلدەسىن تابىس ەتتى.

ايتا كەتەيىك، تەمىرلاننىڭ قارسىلاسى وسال بولعان جوق. ت. يحسانعاليەۆتەن ءۇش جاس ۇلكەندىگى بار، 34 جاسار رۋستام اليەۆ - كيكبوكسينگتەن ەۋروپا چەمپيونى، تاجىريبەلى سپورتشى. ال قويان-قولتىق ۇرىستان حالىقارالىق جارىستاردا اتوي سالىپ، جۇلدە الىپ جۇرگەن تەمىرلان يحسانعاليەۆ 2015-جىلى اسكەري سامبودان الەم بىرىنشىلىگىنىڭ كۇمىس جۇلدەگەرى اتانعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى