اسكەر قاتارىندا قاۋىپ تۋدىراتىن ساربازدار جوق - قورعانىس ءمينيسترى
« قازىرگى ۋاقىتتا قارۋلى كۇشتەرىمىزدىڭ قاتارىندا ءوزىنىڭ اسكەري بورىشىن وتەپ جاتقان ەلىمىزدىڭ ازاماتتارى اسكەرگە شاقىرتىلعان كەزدە ءبىرىنشى كەزەكتە پسيحولوگ مامانداردىڭ الدىنان وتەدى. وسى ورايدا ونىڭ سۇراقتارى ءدىني ۇستانىمعا دا بايلانىستى. اسكەر قاتارىنا كەلگەننەن كەيىن، ءاربىر قۇرامادا دا پسيحولوگتار جۇمىس ىستەيدى. ەكىنشىدەن، يدەولوگيالىق باعىتتا جۇمىس ىستەيتىن وفيتسەرلەر دە قىزمەت ەتەدى. بۇل تۇرعىدا پسيحولوگ پەن يدەلوگيالىق جۇمىستاردىڭ وفيتسەرى باتالونداعى ساربازدارمەن جۇمىس ىستەيدى. ءاربىر جاۋىنگەردىڭ ءدىني جانە باسقا دا كوزقاراستارى بويىنشا تالداۋ جاساپ، كومانديرگە باياندايدى. بۇل تۇرعىدا كوماندير ءتيىستى شەشىم قابىلدايتىن بولادى»، - دەپ ءتۇسىندىردى مينيستر.
وسى ورايدا ول بۇگىندە ۆەدومستۆو ق ر ۇلتتىق قاۋىپسىزدىك كوميتەتى جانە ىشكى ىستەر مينيسترلىگىمەن بىرلەسە ءتيىستى جۇمىستار اتقارىپ جاتقانىن ايتا كەلە: « بارلىعىن تەكسەرىپ شىعامىز. قاۋىپ تۋدىرۋى مۇمكىن دەگەن جاستارمەن ءتيىستى جۇمىستار جۇرگىزىلەدى. اتاپ ايتقاندا، قازىرگى كەزدە قارۋلى كۇشتەردە قاۋىپ پەن قاتەر تۋدىراتىن ساربازدار جوق»، - دەدى.
اۆتور: رۋسلان عابباسوۆ
