عالىمدار راك قاۋپىن ەكى ەسە ازايتاتىن ءتاسىلدى انىقتادى

زەرتتەۋ ناتيجەلەرى بريتان مەديتسينا جۋرنالىندا جاريالاندى، دەپ جازادى شەتەلدىك ب ا ق- قا سىلتەمە جاساپ ەگەمەن قازاقستان باسىلىمى.

بەس جىلعا سوزىلعان زەرتتەۋگە 250 مىڭ بريتاندىق، ولاردىڭ ىشىندە راك دياگنوزى قويىلعان 3748, جۇرەگى اۋىراتىن 1110 ادام قاتىسقان. 5  جىل ىشىندە ولاردىڭ 2430 ى قايتىس بولعان.

 زەرتتەۋ ناتيجەسىندە ۆەلوسيپەدپەن ءجۇرۋ ءولىم قاۋپىن راكپەن اۋىراتىنداردا% 45 عا، جۇرەگى اۋىراتىنداردا %46  عا ازايتقان. باسقا جاعدايدا بۇل كورسەتكىش %41 دى قۇرايدى. زەرتتەۋگە قاتىسۋشىلار ۆەلوسيپەدپەن اپتاسىنا ورتاشا ەسەپپەن 48 ك م جۇرگەن. ءبىراق كوپ جۇرگەن سايىن، دەنساۋلىق تا جاقسارا بەرگەن.

«بۇل زەرتتەۋ ۆەلوسيپەدتىڭ ادام دەنساۋلىعىنا پايداسىن كورسەتتى. سوندىقتان ۆەلوجولداردى كوبەيتۋ كەرەك» ، - دەيدى زەرتتەۋشى دوكتورلاردىڭ ءبىرى دجەيسون گيلل.

عالىمداردىڭ ايتۋىنشا، اپتاسىنا ورتاشا ەسەپپەن 9-10 ك م جاياۋ ءجۇرۋ جۇرەك اۋرۋلارى قاۋپىن ازايتادى. ءبىراق ماماندار جاياۋ جۇرگەننەن گورى ۆەلوسيپەدتىڭ ءتيىمدى ەكەنىن ايتادى.

Cancer Research UK وكىلىنىڭ ايتۋىنشا، ۆەلوسيپەدپەن ءجۇرۋ ارقىلى سپورت زالعا بارماي- اق دەنساۋلىقتى نىعايتۋعا بولادى. تەك ونى كۇندەلىكتى تۇرمىستىڭ ءبىر بولىگىنە اينالدىرۋ كەرەك. مىسالى، جۇمىسقا ۆەلوسيپەدپەن بارىپ كەلۋگە بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى