قازاقستان اسكەرى تاۋەلسىز مەملەكەتتەر دوستاستىعى ەلدەرى اراسىندا ەڭ مىقتىلاردىڭ ءبىرى

بۇل تۋرالى ق ر قورعانىس ءمينيسترى ساكەن جاسۇزاقوۆ وسىلاي ءمالىم ەتتى، دەپ حابارلايدى قازاقپارات.

«ەلىمىزدىڭ قارۋلى كۇشتەرىنىڭ دايىندىعى دەڭگەيى قويىلىپ وتىرعان تالاپتارعا ساي كەلەدى. رەيتينگكە توقتالاتىن بولساق، وندا حالىقتىڭ سانى مەن موبيليزاتسيالىق رەسۋرستار ەسكەرىلدى. ارينە، وزبەكستاندا حالىق سانى 30 ميلليوننان اسادى، ال بىزدە 17 ميلليوننان استام. وسى رەتتە موبيليزاتسيالىق رەسۋرستار بىرنەشە ەسە ازداۋ. ءبىز ءوزىمىز مۇمكىندىكتەرىمىزدى باعالايمىز. ءبىز پوستكەڭەستىك كەڭىستىك اۋماعىندا ت م د ەلدەرى اراسىندا رەسەي مەن ۋكراينادان كەيىن كوشباسشىلاردىڭ ۇشتىگىنە ەنىپ وتىرمىز»، - دەدى مينيستر ماجىلىستەگى ۇكىمەت ساعاتى بارىسىندا.

ايتا كەتەيىك، ۇكىمەت ساعاتى بارىسىندا ءماجىلىس ءتوراعاسىنىڭ ورىنباسارى ۆلاديمير بوجكو شەتەلدىك ساراپشىلار قازاقستان اسكەرىنە بەرگەن باعاسىن جاريالادى.

«شەتەلدىك ساراپشىلار قازاقستاندىق اسكەردى ورتالىق ازيا وڭىرىندە ەكىنشى اسكەر دەپ اتادى. بۇل 126 ەلدى قامتىعان جاھاندىق رەيتينگ. وزبەكستان 54- ورىندا، قازاقستان 66- ورىندا تۇعىرلاندى»، - دەدى بوجكو.

 ونىڭ سوزىنە قاراعاندا، سوڭعى بەس جىلدا اسكەري تەحنيكانى الۋعا، جەتىلدىرۋگە جانە جوندەۋگە شىعىندار 3,5 ەسەگە ارتتى. اسكەري اۆياتسيانىڭ، بروندى تانك قارۋ- جاراعىنىڭ جاڭا تۇرلەرى جەتكىزىلۋدە.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى