اسكەري بولىمدەردە قىسقى وقىتۋ كەزەڭى بويىنشا تەكسەرۋ اياقتالدى- فوتو
دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
تەكسەرىس قىسقى كەزەڭنىڭ قورىتىندىسى بويىنشا اسكەري بولىمدەر مەن قۇرامالاردىڭ جاۋىنگەرلىك ازىرلىگى مەن جاۋىنگەرلىك قابىلەتتىلىگىنىڭ دەڭگەيىن ايقىنداۋ ماقساتىندا وتكىزىلدى. باقىلاۋ تەكسەرىسى جەكە قۇرامنىڭ ماشىعىن، جاۋىنگەرلىك دايارلىق پەن ۆزۆودتاردىڭ، روتالاردىڭ، قۇرامالار مەن بولىمدەردىڭ، باتالوندار مەن باسقارمالاردىڭ ۇيلەسىمدىلىك دەڭگەيىن، سونداي- اق جاۋىنگەرلىك دايارلىق بويىنشا جوسپارلار مەن باعدارلامالاردىڭ ورىندالۋ ساپاسىن انىقتاۋعا باعىتتالدى.
2000-نان اسا بولىمشە تەكسەرىلدى (ونىڭ ىشىندە، 1500-دەن اسا ۆزۆود، 500-گە جۋىق روتا مەن باتارەيا، 150-گە تارتا باتالون، ديۆيزيون باسقارماسى). جەكە قۇرامنىڭ وقىتىلۋ دەڭگەيى نەگىزگى وقىتۋ پاندەرى (تاكتيكالىق، تاكتيكالىق- ارنايى اتىس، دەنە، ساپتىق دايارلىق، جارعى، م ق ق) بويىنشا تەكسەرىلدى.
سونداي- اق تەكسەرىس شەڭبەرىندە ۆزۆودتاردىڭ شامامەن 1500 جاۋىنگەرلىك وق اتۋى، روتالىق- تاكتيكالىق توپتاردىڭ تاكتيكالىق وقۋ- جاتتىعۋلارى، تاكتيكالىق- ارنايى وقۋ- جاتتىعۋلار جانە باقىلاۋ- كەشەندى ساباقتار وتكىزىلدى. وتكىزىلگەن ساباقتار اياسىندا 3000-نان اسا بىرلىك جاۋىنگەرلىك تەحنيكا مەن قارۋ- جاراق تارتىلدى.
جاۋىنگەرلىك دايارلىقتىڭ نەگىزگى پاندەرى، قارۋ- جاراق پەن اسكەري تەحنيكانىڭ جاي- كۇيى، لاۋازىمدى ادامداردىڭ جۇمىسىن ۇيىمداستىرۋ جۇيەسى بويىنشا باقىلاۋ تەكسەرىستىڭ قورىتىندىسى بويىنشا پودپولكوۆنيك ە. ب. زاۆگاريننىڭ قولباسشىلىق ەتۋىمەن 14776 اسكەري ءبولىمىنىڭ بولىمشەسى، پودپولكوۆنيك يا. پ. يلياديدىڭ قولباسشىلىق ەتۋىمەن اۋە قورعانىسى كۇشتەرىنىڭ 97617 اسكەري ءبولىمى، كاپيتان- لەيتەنانت م. بايمۇحانوۆتىڭ قولباسشىلىق ەتۋىمەن اسكەري- تەڭىز كۇشتەرىنىڭ 21814 اسكەري ءبولىمى، پودپولكوۆنيك ج. ك. ەرمۇحانوۆتىڭ قولباسشىلىق ەتۋىمەن قۇرلىق اسكەرلەرىنىڭ 18404 اسكەري ءبولىمى جاقسى جاعىنان اتالىپ ءوتتى.
اسكەرلەردىڭ باقىلاۋ تەكسەرىسى ويداعىداي ءارى جوعارى دەڭگەيدە ءوتتى. بۇل قازاقستان رەسپۋبليكاسى قارۋلى كۇشتەرىنىڭ اسكەري قىزمەتشىلەرى جاۋىنگەرلىك دايارلىق بويىنشا باسشىلىقتىڭ قويعان كەز كەلگەن تاپسىرمالارىن ءساتتى ورىنداۋعا ءارقاشان دايىن ەكەندىگىنىڭ ايعاعى بولىپ تابىلادى.
