كاسپي تەڭىزىندە بالىق اۋلاۋعا تىيىم سالۋ ماسەلەسى قارالىپ جاتىر - ا ش م
سول سەبەپتى تەڭىزدە بالىقتى اۋلاۋ كاسىبىنە ۋاقىتشا تىيىم سالۋ ماسەلەسى كوتەرىلدى، دەپ حابارلايدى قازاقپارات ءتىلشىسى.
«بۇل باستامانى اتىراۋ وبلىسىنىڭ اكىمدىگى دە قولداپ وتىر. بالىق شارۋاشىلىعى عالىمدارى دا وسى ماسەلەنى تالقىلاپ شىقتى. ءبىرىنشى تالقىلاۋعا ماڭعىستاۋ اكىمدىگى مەن بالىقشىلار قاتىستى. قارسىلىق جوق سياقتى. دەگەنمەن، ول ماسەلە ءالى دە تالقىعا سالىناتىن بولادى. سەبەبى بۇگىندە وسى ايماقتا بالىق شارۋاشىلىعىمەن اينالىساتىندار از ەمەس»، - دەدى ءجۇنىسوۆ بۇگىن استانادا وتكەن باسپا ءسوز ءماسليحاتىندا.
ونىڭ ايتۋىنشا، بۇگىندە بالىق اۋلاۋعا تىيىم، ءيا بولماسا وعان ۋاقىتشا شەكتەۋ سالۋ ءۇشىن بيولوگيالىق نەگىزدەمە كەرەك. جاقىندا وتكەن العاشقى وتىرىستا اتالعان نەگىزدەمەنى ازىرلەۋ تۋرالى شەشىم شىعارىلدى.
«سول كەزدە كاسپي تەڭىزىندە بالىق اۋلاۋعا تولىعىمەن تىيىم سالىنادى، ءيا بولماسا، شەكتەۋ ەنگىزىلەدى. سوندىقتان قازىر ناقتى كەڭەستەردى كۇتە تۇرايىق»، - دە اتاپ كورسەتتى باسقارما باسشىسى.
اۆتور: ارمان اسقاروۆ
