اسكەريلەردىڭ ەڭبەكاقاسى كەزەڭ-كەزەڭمەن ارتادى
بۇگىن ماجىلىستەگى ۇكىمەت ساعاتىندا ق ر قورعانىس ءمينيسترى ساكەن جاسۇزاقوۆ وسىلاي ءمالىم ەتتى، دەپ حابارلايدى قازاقپارات.
«اسكەري قىزمەتكەرلەردىڭ اقشالاي تابىسى سوڭعى رەت 2011-جىلى جوعارىلاعان ەدى. وسى ورايدا قورعانىس مينيسترىلىگى اسكەر قاتارىنداعىلاردىڭ ەڭبەكاقىسىن كەزەڭ-كەزەڭمەن كوتەرۋ باستاماسىن جاسادى. بۇل جايىندا جوعارعى باس قولباسشىعا باياندادىم جانە قولداۋعا يە بولدىق»، - دەدى جاسۇزاقوۆ.
وسى ورايدا ول اسكەري قىزمەتكەرلەردىڭ جالاقىسىن ارتتىرۋ ماسەلەسى بويىنشا پرەمەر-ءمينيستردىڭ توراعالىعىمەن ۇكىمەتتە كەڭەس وتكەنىن جەتكىزدى.
ءمينيستردىڭ سوزىنە قاراعاندا، مەملەكەتتىك زەينەتاقىنىڭ قايتارىلۋىن اسكەري قىزمەتكەرلەر زور ريزاشىلىقپەن قابىلدادى. سونىمەن قاتار بۇگىندە قارۋلى كۇشتەر ساپىندا قىزمەت ەتىپ جۇرگەندەردى باسپانامەن قامتاماسىز ەتۋدىڭ جاڭا قادامى ازىرلەندى. بۇل قادام اسكەريلەردىڭ تۇرعىن ءۇي ماسەلەسىن شەشۋىنە مۇمكىندىك بەرەدى.
