قازاقستان اسكەري ۇشاقتار سانىن ارتىرۋعا ءمان بەرىپ وتىر

بۇل تۋرالى ق ر قورعانىس ءمينيسترى ساكەن جاسۇزاقوۆ ءمالىم ەتتى، دەپ حابارلايدى قازاقپارات.

«اۋە قورعانىسى كۇشىن جابدىقتاۋعا سوڭعى بۋىندى «++4» جويعىش ۇشاقتارى، س ي-295 اسكەري-كولىكتىك ۇشاقتارى جەتكىزىلدى. اعىمداعى جىلى ەكى جيىنتىعىن العاننان كەيىن، ءبىز اسكەري-كولىكتىك اۆياتسيانى جاساقتاۋدى اياقتايمىز. اسكەري اۆياتسياعا تەك شابۋىلداۋ تىكۇشاقتارى عانا ەمەس، سونىمەن قاتار جاۋىنگەرلىك م ي-35 تىكۇشاقتارى دا تارتىلا باستادى. تورتەۋىن الدىق جانە تاعى دا تورتەۋى جەتكىزىلەدى. 2020-جىلعا قاراي وسى باعىتتاعى پروتسەستى اياقتايتىن بولامىز»، - دەدى مينيستر ماجىلىستەگى ۇكىمەت ساعاتىندا.

بۇدان بولەك، س. جاسۇزاقوۆ اۋە شابۋىلىنا قارسى قورعانىس كۇشىنىڭ جاعدايى تۋرالى باياندادى. رەسەي تاراپىنان بەس س-300 الىندى، ولار جىل سوڭىندا جاۋىنگەرلىك كەزەكشىلىك تارتىبىنە قويىلادى. سونىمەن قاتار راديوتەحنيكالىق اسكەر بويىنشا كەيبىر ماسەلەلەر بار كورىنەدى.

دەگەنمەن دە وتاندىق راديولوكاتسيالىق ءۇش كوورديناتتىق «نۇر» ستانسالارىن قۇرۋ جۇمىستارى ۇيىمداستىرىلدى. ونىڭ العاشقى جيىنتىعى استانانى قامتۋ ءۇشىن ورناتىلدى، ال ەكىنشىسى قاراعاندىدا قويىلىپ جاتىر. الداعى ۋاقىتتا بۇل ستانسالار بۇرىننان پايدالانىلىپ كەلە جاتقان اپپاراتتاردى الماستىراتىن بولادى. سونداي-اق ول ەلوردادا اۋە شابۋىلىنا قارسى قورعانىسقا ەرەكشە نازار اۋدارىلىپ وتىرعاندىعىن اتاپ ءوتتى.

وسى رەتتە تومەن دە ۇشاتىن اپپاراتتاردى انىقتايتىن جابدىقتار ورناتىلۋدا.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى