ديماشتىڭ تۋعان كۇنىندە قىتايدا قايىرىمدىلىق شاراسى وتەدى
ونىڭ ءارقايسىندا بىرنەشە ميلليوننان ادام بار. Dimash Sisters, 25 Dears, Dombra, Dimdears, DearsForever دەپ اتالاتىن ۇيىمدار بايقاۋ كەزىندە انشىگە وتە زور قولداۋ كورسەتتى، دەپ جازادى aktobegazeti.kz.
ەندى بايقاۋ ءبىتتى. الگى ۇيىمدار تاراي ما؟ جوق. قىتايدىڭ Weibo الەۋمەتتىك جەلىسى تاراتقان حابارلارعا سەنسەك، ولار ءارى قاراي دا جۇمىستارىن جالعاستىرا بەرمەك. قىتايدا جانكۇيەر مادەنيەتى دەگەن ۇعىم مۇلدە بولەك كورىنەدى.
وتكەندە ديماشتىڭ العاشقى تۋردا كيىپ شىققان كيىمى ساتىلىپ كەتكەنى تۋرالى حابارلانعان بولاتىن. وقيعا بىلاي بولعان.
سونداعى بەلگىلى ءبىر سايتقا سۇحبات بەرگەن ديماش قازاقى دارحاندىقپەن العاشقى تۋرعا كيىپ شىققان كيىمىن سىيعا تارتقان. الگى سايت دەرەۋ تۇسكەن كيىمدى اۋكتسيونعا شىعارىپ، ودان تۇسكەن قارجىنى جەتىم-جەسىرگە، جەتىم بالالارعا ۇلەستىرىلەتىنىن حابارلاعان.
باستاپقى باعاسى ءبىزدىڭ اقشاعا شاققاندا، 8500 تەڭگەدەي بولعان. اۋكسيونعا 169 ادام قاتىسقان. سول كەزدە جوعارىدا اتالعان ۇيىمداردىڭ ءبىرى ءبىزدىڭ اقشاعا شاققاندا، 7 ميلليون، 200 مىڭ تەڭگەگە شامالاس قارجىعا ساتىپ الىپتى.
ويتكەنى ولاردىڭ بايلامىنشا، ديماشقا قاتىستى ءاربىر دۇنيە، ءتىپتى تيتتەي نارسە بولسا دا ساقتالۋى ءتيىس.
Weibo الەۋمەتتىك جەلىسى تاراتقان حابار بويىنشا، ديماش تۋعان كۇنى - 24- مامىردا قىتايدا ۇلكەن قايىرىمدىلىق شارا وتپەك. وعان ديماشتى قولدايتىن ۇيىمدار اتسالىساتىن بولادى. كۇنشىعىس ەلى ءۇشىن ديماشتىڭ ەسىمى ەندى وسىلايشا ىزگىلىكتىڭ سينونيمى بولماق.
