يسپانيانىڭ ەڭ كونە قالاسى - فوتو
استانا. قازاقپارات - يسپانيا ەلىنىڭ ەڭ كورىكتى ءارى ەڭ كونە جەرلەرىنىڭ ءبىرى - ۆيلا ۆەللا قامالى.
قامال توسسا دە مار قالاسىندا ورنالاسقان. ونىڭ تاريحى 1186-جىلدان باستالادى.
ول كەزدە قالادا شىركەۋ ماڭى بيىك-بيىك قابىرعالارمەن قورشالاتىن. قالاعا تەڭىز قاراقشىلارى شابۋىل جاساعان كەزدە ۆيلا ۆەللا قامالى جەرگىلىكتى تۇرعىندار ءۇشىن ەڭ قاۋىپسىز جەر بولىپ سانالدى.
وسىنداي قاقتىعىستاردىڭ بىرىندە قامال سوققىعا توتەپ بەرە الماي، قاتتى قيراعان. XIV عاسىردىڭ سوڭىندا قامالدىڭ الدىڭعى شەبى تولىعىمەن قايتا قالپىنا كەلتىرىلدى.
ءسويتىپ ۆيلا ۆەللا قامالى قاراپايىم جۇرتتىڭ سەنىمىنە قايتا كىرىپ، قالانى ءتۇرلى كەساپاتتان ساقتادى.
مىسالى، قامال قالانى تەك شابۋىلدان عانا ەمەس، اتلانت مۇحيتىنان سوعاتىن جەلدەن دە قورعاعان. قامال ءوز كەزەگىندە بىرنەشە قايتا قۇرۋ ءۇردىسىن باستان كەشتى.
ونىڭ ەڭ ءىرىسى XIX عاسىردا بولدى. قامالدىڭ بەكىنىس قابىرعالارى قاندايدا ءبىر سىرت كۇشتىڭ اسەرىنەن وپىرىلا باستاعان.
ءبىراق كەيىننەن شەبەرلەر بويدا بار بارلىق ءبىلىمىن پايدالانىپ، بەكىنىستى قايتادان قالپىنا كەلتىرىپ قانا قويماي، ونى ارى قاراي دامىتقان.
قازىرگى تاڭدا قامال مۇناراسىنىڭ بىرىندە كوركەمونەر مۇراجايى ورنىققان. مۇندا اتى الەمگە ايگىلى سۋرەتشىلەردىڭ ءتۇرلى باعىتتا سالعان كارتينالارى ساقتالادى. قامالعا جاقىن جەردە شاعىن مەيرامحانا دا بار.
Massaget.kz
