كوزىلدىرىكتەن لينزا ارتىق. نەگە؟

لينزا تاعۋ قورقىنىشتى ەمەس پە، قانشالىقتى قاۋىپتى دەپ تە ويلايدى. ونى كوزگە سالۋ العاشىندا 2-3 كۇن قيىندىق تۋعىزۋى مۇمكىن، كەيىن ۇيرەنىسىپ العان سوڭ، 1-2 مينۋتتا ەش قيىندىقسىز تاعىپ الاسىز.

ال ۇقىپپەن، كۇتىپ كيسەڭىز، ەش قاۋىپ تۋعىزبايدى. ونىڭ كوزىلدىرىكتەن قانداي ارتىقشىلىقتارى بار؟

لينزامەن جاقسىراق كورىنەدى

كوزىلدىرىك كيگەندە كوز بەن اينەك ارالىعىندا ايتارلىقتاي قاشىقتىق بولادى. ال لينزانى كوزگە كيگەندە كورۋ اپپاراتى مەن قاراشىقتىڭ اراسىندا اۋا دا بولمايدى، سول سەبەپتەن كوزاينەككە قاراعاندا لينزا بەينەنى انىعىراق ەتىپ كورسەتەدى.

لينزا كوزىلدىرىك سەكىلدى شاڭ جينامايدى، بەتىنە سىزىق تۇسپەيدى، ءسال ميكروب تۇسكەن جاعدايدا ارنايى سۇيىقتىعىمەن بىردەن تازالاپ الۋعا بولادى.

لينزا قاراۋعا، قوزعالۋعا كەدەرگى كەلتىرمەيدى

كوزىلدىرىكپەن كەيبىر سوپرت تۇرلەرىمەن اينالىسا المايسىز. جاتقان كەزدە دە ورنىنان جىلجىپ، جۇيكەڭىزگە تيەدى. ال لينزا سۋ سپورتىنان باسقالارىنىڭ بارلىعىندا ورنىندا بار-جوعى بىلىنبەي، ەش كەدەرگىسىن تيگىزبەيدى. باسسەيندە، كولدە عانا كوزگە ارنايى سۋدان قورعايتىن كوزىلدىرىك كيۋگە بولادى.

ەكرانداردىڭ زيانىنان قورعايدى

قازىر ءومىرىمىزدىڭ جارتىسىنان كوبىن ەكرانعا، تەلەفونعا، سمارتفونعا، جوق دەگەندە تەلەديدارعا تەلمىرۋمەن وتكىزەمىز. مۇنىڭ بارلىعى كوزگە زيان، كورۋ قابىلەتىن ودان سايىن كەمىتە تۇسەدى، باس اۋىرادى. كوزىلدىرىك بۇل ولقىلىققا قارسى تۇرا المايدى. ال كەيبىر لينزالار ارنايى ەكران زيانىنان كوز قاراشىعىن قورعاۋ ءۇشىن جارالعان.

لينزا كوزدى سورىپ تاستاۋدان اۋلاق

جۇمىس ۋاقىتىندا نە باسقا دا جاعدايلارمەن كومپيۋتەر الدىندا ۇزاق وتىرساق، كوز قىزارىپ، تالىپ، قابىنىپ كەتەدى. كوزدى جىپىلىقتاتىپ، قوزعالتىپ، جاتتىعۋ جاساماساق، سوڭى اۋرۋعا الىپ كەلۋى عاجاپ ەمەس. ال لينزانىڭ ساپالى ءتۇرىن تاڭداساڭىز بۇل قيىندىقتان دا الىپ قالادى. ال كوزاينەك جاي عانا كۇن ساۋلەسى كوپ تۇسكەنىنەن كوزدى سورىپ، نۇرىن قۇرتىپ تاستاۋى مۇمكىن.

لينزامەن كوز جۇمىس ىستەيدى

كوزىلىدىرىك تاعىپ الساڭىز، جانىڭىزداعى ادامعا بۇرىلىپ قاراۋىڭىز كەرەك. ودان كوز قاراشىعى قوزعالىسسىز تۇرىپ، جۇمىسى ناشارلايدى دەۋگە بولادى. ال لينزا كيگەندە قاسىڭىزدا بىرەۋ سويلەسە، وعان بۇرىلماي-اق كوز قيىعىمەن قاراساڭىز دا كورىنەدى.

كونتاكتىلى لينزا كەز كەلگەن ادامعا ۇيلەسەدى

كوزىلدىرىك كيەتىن بولساڭىز، ودان ءوزىڭىزدىڭ بەتىڭىزگە سايكەس كەلەتىن، كەلبەتىڭىزگە جاراساتىن ءتۇرىن جاقسىلاپ تاڭداۋىڭىز قاجەت. ال لينزا كيگەنىڭىزدى كوزىڭىزگە تىكە انىقتاپ قاراماعان ادامدار بايقاي بەرمەيدى. كوزىڭىزدە اقاۋ بارىنان قىسىلاتىن بولساڭىز دا، كوزىلدىرىگىڭىز تۇرىڭىزگە ۇيلەسپەيتىن بولسا دا، بۇل قيىندىقتان لينزا الىپ شىعادى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى