پەتروپاۆلدا جانات جاقيانوۆ تۋرالى فيلم تۇسىرىلۋدە

كارتينا قازاقستاندىق بوكسشىنىڭ چەمپيوندىق اتاققا دەيىنگى ۇزاق جولى تۋرالى بايانداماق.

بۇل تۋرالى ۆكونتاكتە الەۋمەتتىك جەلىسىندەگى «پروفي بوكس قازاقستان» توبىندا جازىلعان.

جوبا جەتەكشىسى - الەكسەي ميشاچەنكو. جانات جاقيانوۆ - اسا جەڭىل سالماقتا (53,5 كەلى) ونەر كورسەتەتىن كاسىپقوي بوكسشى.

سولتۇستىك قازاقستان وبلىسىندا تۋعان. پەتروپاۆلدا وتباسى تۇرادى - اناسى، ايەلى مەن ەكى كىشكەنتاي بالاسى (9 ايلىق ۇلى ەردوس پەن 2 جاستاعى قىزى نۇراي). جاناتتىڭ ءوزى نەگىزىنەن  ۇلى بريتانيادا تۇرادى جانە IBF، WBO، IBO تۇجىرىمدارى بويىنشا ءبىرىنشى ورتا سالماقتاعى بۇرىنعى الەم چەمپيونى ريككي حاتتوننىڭ جەتەكشىلىگىمەن سول ەلدە جاتتىعادى.

ەسكە سالايىق، 11- اقپان كۇنى امەريكانىڭ تولەدو قالاسىندا اسا جەڭىل سالماق دارەجەسىندە قازاقستاندىق كاسىپقوي بوكسشى جانات جاقيانوۆ پەن امەريكالىق روۋشي ۋوررەن اراسىندا WBA (Super) جانە IBO تۇجىرىمدارى بويىنشا الەم چەمپيونى اتاعى ءۇشىن ايقاس ءوتتى.

تورەشىلەردىڭ شەشىمىمەن 12 راۋندتىق جەكپە-جەك جاقيانوۆتىڭ جەڭىسىمەن اياقتالدى.

اۆتور: ميرا تولەندى قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى