قازاق زيالىلارى استانادا كىتاپسۇيەر قاۋىممەن كەزدەسەدى
بۇل كۇنى كىتاپحانادا «ەكسپو-2017 - بولاشاقتىڭ قۋاتى»، «تۇركىستان - ەلدىگىمىزدىڭ اق ورداسى»، «كوران: پريتياجەنيە گارمونيي»، «جاڭا كىتاپتار»، «لاتىن الىپبيىندەگى قازاق كىتاپتارى» كىتاپ كورمەلەرى مەن «رۋحاني جاڭعىرۋدىڭ جارقىن جولى» اتتى مەرزىمدى باسىلىمدار كورمەسى، باسپالاردىڭ قاتىسۋىمەن كىتاپ جارمەڭكەسى ۇيىمداستىرىلادى.
سونداي-اق «ءبىر ەل - ءبىر كىتاپ» -2017 اكسياسى اياسىنداعى سۇلتانماحمۇت تورايعىروۆتىڭ ءومىرى مەن شىعارماشىلىعىنا ارنالعان «قاراڭعى قازاق كوگىنە ورمەلەپ شىعىپ كۇن بولعان» ءدارىسى مەن «قوڭىر: ءۇن، ءتىل، ءدىل» اتتى جاسوسپىرىمدەرگە ارنالعان اقپاراتتىق ساعات وتەدى.
ودان بولەك، اباي قۇنانباي ۇلىنىڭ ولەڭدەرىنە 130 جىل تولۋىنا وراي «ولەڭ - ءسوزدىڭ پاتشاسى» اتتى ادەبي- كەش، «قاراڭعىلىقتاعى سۇحبات»، «ق ر ۇلتتىق اكادەميالىق كىتاپحاناداعى ەلەكتروندى رەسۋرستار»، «كاتالوگيزاتور ساعاتى» اتتى ترەنينگتەر بولادى.
ودان كەيىن الاشتانۋشى عالىم، پروفەسسور تۇرسىن جۇرتبايدىڭ «بول مويا، گوردوست مويا - الاش» اتتى كىتابىنىڭ تۇساۋكەسەرى وتەدى.
اۆتوردىڭ بۇعان دەيىن وسى تاقىرىپتى قاۋزاعان «ۇرانىم - الاش» اتتى كىتاپتار سەرياسى قازاقشا جارىق كورگەن بولاتىن. جوعارىداعى ورىس تىلىندە شىققان 1100 بەتتىك كولەمدى تۋىندى «ۇرانىم - الاشتىڭ» تولىقتىرىلعان اۋدارماسى.
اشىق ەسىك كۇنى شەت تىلىندەگى كينو كورسەتىلىممەن جالعاسىن تابادى. اشىق ەسىك كۇنىنە عاريفوللا ەسىم، بولات كومەكوۆ، ءادىل احمەتوۆ، الدان سمايىل، سەرىك تۇرعىنبەك ۇلى، تۇرسىن جۇرتباي، ايتمۇحامبەت بەيسەمبەكوۆ، بايانعالي ءالىمجانوۆ جانە تاعى باسقا دا زيالى قاۋىم وكىلدەرى جانە مەكتەپ مۇعالىمدەرى مەن جوعارى وقۋ ورىندارىنىڭ ستۋدەنتتەرى، كىتاپحانا وقىرماندارى قاتىسادى.
كىتاپ كۇنىنىڭ شىعۋ تاريحى 1995 -جىلدىڭ 23 -ءساۋىرى كۇنى پايدا بولدى. قازىرگى تاڭدا بۇكىلالەمدىك كىتاپ جانە اۆتورلىق قۇقىق كۇنى دەپ اتالادى جانە 100 دەن استام ەلدە اتاپ وتىلەدى. يدەيانىڭ ماقساتى - كەز كەلگەن جاستاعى ادامدى كىتاپ وقۋعا ىنتالاندىرۋ.
