قازاقستاندا ساۋساق ءىزىن تانيتىن بانك كارتاسى ىسكە قوسىلۋى مۇمكىن
وسى ۋاقىتقا دەيىن وڭتۇستىك افريكا رەسپۋبليكاسىندا پيلوتتىق جوبا رەتىندە سىناقتان وتكەن بۇل كارتالار ەندى قازاقستانعا دا كەلۋى مۇمكىن.
يننوۆاتسيالىق بيومەتريالىق كارتالاردا ساۋساق ءىزىن تاني الاتىن تەحنولوگيالار ورناتىلعان. ونىڭ كومەگىمەن ءسىز ءتىپتى سمارتفون ارقىلى دا تولەم جاساي الاسىز. ونى EMV- چيپ قابىلدايتىن كەز كەلگەن POS تەرمينالدارىنا قولدانۋعا بولادى.
«سوڭعى كەزدەرى بيومەتريالىق كارتالاردىڭ قاۋىپسىزدىگىنە كوپ ادام كوز جەتكىزە باستادى، - دەيدى Mastercard-تىڭ قاۋىپسىزدىك جونىندەگى پرەزيدەنتى ادجەي بحاللا. سمارتفوندى اشۋ ءۇشىن نەمەسە ونلاين-ساۋدانى راستاۋ ءۇشىن ساۋساق ىزدەرىن قولدانۋ بۇل - قوسىمشا قورعانىس. ونى ۇرلاي دا، قولدان جاساي دا المايدى».
تاۋاردىڭ اقىسىن تولەيتىن كەزدە اتالمىش يننۆواتسيالىق كارتالاردى دا قازىرگى بانك كارتالارى سەكىلدى قولدانا بەرەسىز. ونى تەرمينالعا قوياسىز، جانىنداعى سەنسورعا ساۋساعىڭىزدى جاقىنداتاسىز. ەگەر كارتادا ساقتالعان ساۋساق ىزدەرى وزىڭىزدىكىمەن سايكەس كەلسە، وندا ترانزاكتسيا راستالعان بولىپ ەسەپتەلەدى.
«قازىرگى تاڭدا بيومەتريالىق اۋتەنتيفيكاتسيانىڭ بىرنەشە ءتۇرى قولدانسقا ەنگىزىلىپ قويدى. سونىڭ ءبىرى - سمارتفوننىڭ ساۋساق ىزدەرىن تاني الۋى. بانكتەر مۇنان دا باسقا نۇسقالارىن قاراستىرىپ جاتىر»، - دەيدى Future Payments جەتەكشىسى ساشا برايت.
جاقىن ارادا Mastercard ەۋروپا، ازيا جانە تىنىق مۇحيتى اۋماعىندا قوسىمشا پيلوتتىق جوبالارىن ىسكە قوسپاقشى. راسىندا، بيومەتريالىق تەحنولوگيالاردىڭ دامۋى ءبىز قولدانىپ جۇرگەن فيزيكالىق كارتالاردىڭ قولدانىستان شىعاۋىنا سەبەپ بولۋى مۇمكىن.
2016-جىلدىڭ جازىندا Visa ەۋروپالىق تۇتىنۋشىلاردىڭ تورتتەن ءۇش بولىگى، ياعني 73 پايىزى بيومەتريالىق تولەمدەرگە قىزىعۋشىلىق تانىتىپ وتىر دەگەن ساۋالناما ناتيجەسىن جاريالاعان ەدى.
رەسپوندەنتتەردىڭ جارتسىنان كوبى بۇل تولەم ءتۇرىن جىلدام دەپ ەسەپتەسە، 80 پايىزى ساۋساق ىزدەرىن تانۋ ەڭ قاۋىپسىز تەحنولوگيا دەگەن پىكىردە.
بيومەتريالىق تولەم دەگەنىمىز - تۇتىنۋشىنىڭ بيومەتريالىق اقپارتتارىن پايدالانۋ ارقىلى جاسالاتىن تولەم ءتۇرى. بيومەتريالىق اقپارات - ءتىرى ادامنىڭ فيزيولوگيالىق جانە مىنەز-قۇلىقتىق ەرەكشەلىكتەرى. بۇل - ءار ادامنىڭ وزىنە عانا ءتان دەربەس اقپارات. وعان ادامنىڭ ساۋساق ىزدەرى، كوزدىڭ ىشكى تور قابىعى، بەت الپەتىن انىقتاۋ، الاقان جانە د ن ق مەن داۋىسى جاتادى.
Mastercard - تولەم يندۋسترياسىنداعى بۇكىل الەمدىك تەحنولوگيالىق كومپانيا. ول الەمنىڭ 210 نان استام ەلىندە قارجى ينستيتۋتتارى مەن كليەنتەردى بايلانىستىراتىن تولەم جەلىسىن قالىپتاستىرعان.
