قازاقستاندا حيدجاب كيۋگە قاشان تىيىم سالىناتىنى بەلگىلى بولدى
بۇل تۋرالى ءبىزدىڭ ارنانىڭ تىلشىسىنە بەرگەن سۇحباتىندا ءدىن ىستەرى جانە ازاماتتىق قوعام مينيسترلىگىنىڭ وكىلى باقىت كۇلەكەيەۆ ايتتى دەپ حابارلايدى «استانا» ارناسى.
ونىڭ ايتۋىنشا، وزگە ەلدىڭ ۇلتتىق كيىمىن كيەتىن نەگىزىنەن اتىراۋ، اقتوبە مەن الماتى وبلىسىنىڭ قىز-كەلىنشەكتەرى. قازىر مينيسترلىك ماماندارى زاڭعا وزگەرىستەر مەن تولىقتىرۋلار ەنگىزۋدى قولعا العان. قۇجات جىلدىڭ سوڭىنا دەيىن ۇكىمەتكە ۇسىنىلاتىن كورىنەدى.
«ەلباسىمىزدىڭ ايتىلعان سوزىنەن كەيىن ءتيىستى تاپسىرما كەلەدى. قازىردىڭ وزىندە بۇل ماسەلە ءبىز كوڭىل اۋدارىپ، زەرتتەۋدەمىز. ارينە، تىيىم سالىنا ما؟ قانداي تۇردە، قانداي دەڭگەيدە سالىنادى؟ ونىڭ بارلىعىن ويلاستىرۋ كەرەكپىز. ال زاڭنامالىق وزگەرىستەردە قارايمىز. مەملەكەتتىك ورگانداردىڭ پىكىرىن جيناقتاپ، سول كەزدە ەنۋى مۇمكىن»، - دەدى باقىتجان كۇلەكەيەۆ.
ەسكە سالساق، ەلدە قىز-كەلىنشەكتەرگە حيبجاب كيۋگە زاڭنامالىق تۇرعىدان تىيىم سالۋ تۋرالى مەملەكەت باسشىسى نۇرسۇلتان نازاربايەۆ 19- ساۋىردەگى ءدىن وكىلدەرىمەن كەزدەسۋ بارىسىندا ايتقان بولاتىن.
