ساپاربايەۆ ءۇش اۋىسىمدى مەكتەپتەر جايىن بىلمەيتىن ءبىلىم باسقارماسىنىڭ باسشىسىن سىنادى
دەپ حابارلايدى قازاقپارات ءتىلشىسى.
اقتوبەدە ءبىرىنشى توقساننىڭ قورىتىندىسى شىعارىلدى. الەۋمەتتىك- ەكونوميكالىق كورسەتكىش تۇراقتى. جىل باسىنان بەرى 43,5 ميلليارد تەڭگە كولەمىندە ينۆەستيتسيا تارتىلىپ، 2200 جاڭا جۇمىس ورنى اشىلعان. جوسپار بويىنشا بيىل 31 مىڭ اقتوبەلىك ۋاقىتشا، تۇراقتى جۇمىسپەن قامتىلادى. وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى قايرات وتاروۆتىڭ ايتۋىنشا، «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسى بويىنشا وڭىرگە 4,8 ميلليارد تەڭگە ءبولىندى.
وسى جىلدىڭ العاشقى ءۇش ايىندا ونەركاسىپ ءوندىرىسى 350,4 ميلليارد تەڭگەنى قۇرادى. ءتۇرلى- ءتۇستى مەتالل ءوندىرىسى 12 پايىزعا، قۇرىلىسى ماتەريالدارىنىڭ ءوندىرىسى 29 پايىزعا ءوستى. اۋىل شارۋاشىلىعى ءونىمىنىڭ كورسەتكىشى 24,5 ميلليارد تەڭگەنى قۇرادى. وڭىردە 148 اۋىل شارۋاشىلىعى كووپەراتيۆى قۇرىلدى.
«ءبىرىنشى توقساندى قالاي باستاساق، جىل سولاي اياقتالادى. ءبىز جەلتوقساندا جۇمىس ىستەۋدى ۇيرەنگەنبىز. نەگە جىل اياعىنداعى جاقسى جۇمىس جىل باسىندا جالعاسپايدى؟ ءبىز 10 كۇن قالعاندا جۇگىرە باستايمىز. ءبىز مۇمكىندىگىمىزگە قاراي جۇمىس ىستەۋىمىز قاجەت. نەگىزگى كورسەتكىشتەر بويىنشا رەسپۋبليكادا ەڭ كەم دەگەندە 5-ورىندا بولۋىمىز كەرەك»، - دەدى وبلىس اكىمى بەردىبەك ساپاربايەۆ.
جيىن كەزىندە وبلىس اكىمىنىڭ ورىنباسارى اسقار بياحمەتوۆ ءوڭىردىڭ ەكونوميكالىق- الەۋمەتتىك دامۋىن تىزبەكتەپ بەردى. جوسپار بويىنشا جىل سوڭىنا دەيىن بارلىق اۋداندار 3-6 جاس ارالىعىنداعى بالالاردى باقشامەن قامتاماسىز ەتۋ كەرەك. سونىمەن قاتار، 20 مەكتەپكە جوبالىق- سمەتالىق قۇجات دايىندالىپ جاتىر.
«قانشا مەكتەپ اپاتتى جاعدايدا؟ قانشا مەكتەپ ءۇش اۋىسىمدا؟ اۋدانداردى ارالامايسىڭدار، جاعدايدى بىلمەيسىڭدەر. كەشە قوبدا اۋدانىنىڭ وتەك ورتا مەكتەبىندە بولدىم. مەكتەپكە 28 جىلدا بىردە- ءبىر رەت جوندەۋ جۇمىستارى جۇرگىزىلمەگەن.
