ەرلان قارين: ۇلتتىق كوميسسيانى ادىلبەك جاقسىبەكوۆتىڭ باسقارۋى وسى باعىتتاعى جۇمىستىڭ سالماعىن ارتتىرا تۇسەدى
دەپ حابارلايدى «قازاقپارات» ح ا ا ءتىلشىسى.
ونىڭ پىكىرىنشە، كوميسسيا قۇرۋ تۋرالى شەشىم دەگەنىمىز مەملەكەت باسشىسىنىڭ «بولاشاققا باعدار: رۋحاني جاڭعىرۋ» ماقالاسىنداعى كوتەرىلگەن باستامالار مەن يدەيالاردىڭ ناتيجەلىلىگىن كوزدەۋدى بىلدىرەدى.
«بۇرىنعى قادامدار مەن ءىس- ارەكەتتەردىڭ تاجىريبەسىنە قاراساق، ۇلتتىق كوميسسيالاردىڭ وتە سيرەك قۇرىلعانىن بايقايمىز. ولار ءار نارسە ءۇشىن قۇرىلىپ جاتقان جوق، تەك اۋقىمدى پىكىرتالاستى، بارلىق مۇددەلى تاراپتاردىڭ: مەملەكەتتىك ورگاندار، قوعامدىق قۇرىلىمدار جانە ت. ب. قاتىسۋىن تالاپ ەتەتىن ستراتەگيالىق جوسپارداعى اسا ماڭىزدى ماسەلەلەر بويىنشا قۇرىلۋدا. مىسالى، پرەزيدەنت جىل سايىن ەلدىڭ دامۋ باسىمدىلىعىن انىقتايتىن ۇندەۋلەر جاريالاۋدا. جولداۋدان كەيىن بىزدە كوميسسيالار قۇرىلىپ جاتقان جوق. ۇكىمەت ونى جۇزەگە اسىرۋ بويىنشا ءىس- شارالار جوسپارىن قابىلدايدى. ماسەلەن، سوڭعى كوميسسيا «100 ناقتى قادام» ۇلت جوسپارى جانە ساياسي جاڭعىرۋ ماسەلەلەرى توڭىرەگىندە قۇرىلعانى بارشاعا بەلگىلى»، - دەپ ءبولىستى ە. قارين.
ساياسات تانۋشى نۇرسۇلتان نازاربايەۆتىڭ بۇنداي شەشىمى ماقالادا تالقىلاناتىن ماسەلەلەر مەن پروبلەمالاردىڭ ماڭىزدىلىعى مەن مارتەبەسىن كورسەتەدى دەپ ەسەپتەيدى. ۇلتتىق كوميسسياعا ق ر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆتىڭ جەتەكشىلىك ەتۋى كەزدەيسوقتىق ەمەس، سەبەبى بۇل - اتالمىش قۇرىلىمنىڭ ساياسي مارتەبەسىنىڭ بيىك ەكەندىگىنىڭ دالەلى.
ادىلبەك جاقسىبەكوۆ - مىقتى ءارى بىلىكتى ساياسي مەنەدجەر بولىپ تابىلادى. بۇرىن ول ساياسي جاڭعىرتۋ جونىندەگى ۇلتتىق كوميسسيا جۇمىسىنا باسشىلىق ەتتى. ەرلان قارين اتاپ وتكەندەي، بۇل كوميسسيا ناتيجەلى جۇمىس جاسادى جانە جوعارى باعا الدى.
«ياعني، ونىڭ دەڭگەيى مەن جۇكتەلەتىن تاپسىرمالار اياسى - ساياسي جاڭعىرتۋ سەكىلدى بولماق (...) كوميسسيانىڭ الدىندا كوپ ەڭبەكتى تالاپ ەتەتىن جۇمىس تۇر. بيلىك قازىر تۇبەگەيلى جاڭا كوكەيتەستى ماسەلەلەردى قالىپتاستىردى. مەنىڭشە، ۇلتتىق كوميسسيا جۋىق ارادا، مۇمكىن، كەلەسى اپتادان باستاپ ءوز جۇمىسىن باستايدى»، - دەدى ەرلان قارين.
ەسكە سالايىق، 19 - ءساۋىر كۇنى ق ر پرەزيدەنتى ۇلتتىق كوميسسيا تۋرالى جارلىققا قول قويدى. ونىڭ قۇرامىنا اكىمدەر، مينيسترلەر، قازاقستان حالقى اسسامبلەياسىنىڭ مۇشەلەرى، دەپۋتاتتار، ب ا ق جەتەكشىلەرى، سونىڭ ىشىندە «قازاقستان» تەلەراديوكورپوراتسياسىنىڭ باسقارما ءتوراعاسى رەتىندە ەرلان قارين دە كىردى.
