قىتايدىڭ جىبەك جولى قورى «بايتەرەك» حولدينگىمەن ىنتىماقتاسپاق
تاراپتار ەكىجاقتى ينۆەستيتسيالىق ىنتىماقتاستىقتىڭ كەڭ اۋقىمدى باعىتتارىن تالقىلادى، دەپ حابارلايدى «بايتەرەك» ۇ ب ح- ءنىڭ باسپا ءسوز قىزمەتى.
ناقتىراق ايتقاندا قىتاي تاراپى اۋىل تۇرعىندارىنىڭ ساپالى ينتەرنەت جەلىسىنە قولجەتىمدىلىگىن قامتاماسىز ەتۋ بويىنشا جوبانى بىرلەسىپ جۇزەگە اسىرۋعا قىزىعۋشىلىق تانىتىپ وتىر.
«ءبىز قازاقستاننىڭ اۋىلدىق ەلدى مەكەندەرىنە تالشىقتى- وپتيكالىق بايلانىستى جەتكىزۋ جەلىلەرىن جۇرگىزۋ بويىنشا «بايتەرەك» حولدينگىمەن ىنتىماقتاستىقتا جۇمىس ىستەۋدەن ءۇمىتتىمىز»، - دەپ حابارلادى جىبەك جولى قورىنىڭ پرەزيدەنتى ۋاڭ ياڭجى.
ءوز كەزەگىندە «بايتەرەك» حولدينگى كومپانيالار توبىنىڭ باسشىسى ەربولات دوسايەۆ حولدينگتە بۇعان قاجەتتى بارلىق قۇرالدار مەن قارجىلىق جانە تەحنيكالىق قولداۋعا يە ەكەندىگىن جەتكىزدى.
«ءبىز جىبەك جولى قورىمەن ىنتىماقتاستىقتى دامىتىپ، ءارتاراپتاندىرۋعا دايىنبىز»، - دەدى ەربولات دوسايەۆ. بۇل رەتتە ول وڭىرلىك ىقپالداستىق تيىمدىلىگى بار جوبالارعا بىرلەسىپ قاتىسۋدىڭ ماڭىزدىلىعىن اتاپ ءوتتى.
دوسايەۆ سونىمەن قاتار بىرلەسكەن جوبالاردى جۇزەگە اسىرۋدا حولدينگتىڭ ءوزىنىڭ ەنشىلەس كومپانيالارى ارقىلى «جالعىز تەرەزە» قاعيداتى بويىنشا كەشەندى قولداۋ كورسەتۋگە دايىن ەكەندىگىن ايتتى. اڭگىمە جوبالىق قۇجاتتاردى دايىنداۋ مەن قارىزدىق، ۇلەستىك جانە ەكسپورتتىق قارجىلاندىرۋعا دەيىن جوبالاردى قۇرىلىمداۋ بويىنشا كەڭ اۋقىمدى قىزمەت كورسەتۋگە قاتىستى بولىپ وتىر. قازىرگى تاڭدا «بايتەرەك» ۇلتتىق باسقارۋشى حولدينگى» ا ق قىتايدىڭ جەتەكشى قارجىلىق ۇيىمدارىمەن جانە بانكتەرىمەن بەلسەندى ىنتىماقتاستىقتا قىزمەت ەتۋدە.
اتاپ ايتقاندا، قىتايدىڭ مەملەكەتتىك دامۋ بانكىمەن، قىتايدىڭ يمپورتتىق- ەكسپورتتىق بانكىمەن، «Sinosure» اگەنتتىگىمەن، CITIC جانە وزگەلەرمەن ىنتىماقتاستىق ورناتقان. جىبەك جولى قورى - «جاڭا جىبەك جولى» قىتايلىق باستاماسىنىڭ اياسىندا ينفراقۇرىلىمدىق نىساندارعا ءىرى قارجى سالۋمەن اينالىساتىن قىتايلىق ينۆەستيتسيالىق قور.
اۆتور: ايدار وسپاناليەۆ
