عالىمدار: گازدالعان ديەتالىق سۋسىندار ينسۋلت قاتەرىن كۇشەيتەدى
بۇل تۋرالى BBC ورىس قىزمەتى حابارلايدى.
زەرتتەۋگە 45 جاستان اسقان 2888، ال 60 جاستان اسقان 1484 ادام قاتىسقان. عالىمدار ولاردىڭ اۋرۋ تاريحىن مۇقيات زەرتتەيدى. ءبىرىنشى توپتا ينسۋلت جيىلىگى كوپ انىقتالسا، ەكىنشىلەرىنەن اقىل كەمدىگى بايقالىپتى.
زەرتتەۋگە بىلەك سىبانا كىرىسكەن عالىمدار بۇل ادامداردىڭ 10 جىل بويى قانداي سۋسىن ىشكەنىنە ارنايى مونيتورينگ جاساعان. وسىلايشا ولار ءتاتتى گازدالعان سۋسىنداردى كوپ ىشەتىندەر ينسۋلتقا ءجيى شالدىعادى دەگەن قورىتىندىعا كەلىپتى. سونىمەن قاتار، گازدى سۋسىنعا قۇمار ادامداردىڭ ويلاۋ قابىلەتى دە باياۋ داميدى ەكەن.
