ساپاربايەۆ: ءار اۋدان ەڭ كەم دەگەندە ءبىر وتباسىعا ءۇي الۋعا كومەكتەسۋى كەرەك - كەسكىن
اقتوبە سۋ تاسقىنىنىڭ سالدارىمەن كۇرەس جۇمىستارىن باستادى. قازىر قالاداعى بىرنەشە موبيلدى توپ شىعىندى انىقتاۋ جۇمىستارىن جۇرگىزىپ جاتىر. ءوڭىردىڭ الەۋمەتتىك-ەكونوميكالىق دامۋ كورسەتكىشىنىڭ العاشقى توقسانىن قورىتىندىلاعان جيىن كەزىندە تاسقىن سۋدان زارداپ شەككەندەرگە كومەك جايى ايتىلدى.
وبلىس اكىمى بەردىبەك ساپاربايەۆ ءار اۋدان ەڭ كەم دەگەندە ءبىر وتباسىعا ءۇي الۋعا كومەكتەسۋى كەرەك دەگەن ۇسىنىسىن جەتكىزدى.
«اۋدانعا كوشىپ بارام دەگەندەر بار شىعار. «كوشىپ باراسىڭ با؟ مىنە ءۇيىڭ، مىنە جەرىڭ، مىنە جۇمىسىڭ» دەپ ايتۋ كەرەك. ءبارىنىڭ اقتوبەدە تۇرۋى مىندەتتى ەمەس عوي. اقتوبەدە كۇركەدە تۇرعانشا اۋدانداعى جاقسى ۇيدە، تازا اۋادا تۇرعان جاقسى ەمەس پە؟ سوندىقتان وسى جاعىنان دا جۇمىس جاساۋىمىز كەرەك. ءار اۋدان ەڭ كەم دەگەندە ءبىر وتباسىعا ءۇي الۋعا كومەكتەسۋى كەرەك. قالانىڭ اكىمىمەن بىرىگە جۇمىس ىستەڭىزدەر»، - دەدى ءوڭىر باسشىسى بەردىبەك ساپاربايەۆ.
ايتا كەتەيىك، باسپاناسىنان ايىرىلعان 800 گە جۋىق ادام قازىر مەكتەپتەردى پانالاپ وتىر. وتكەن اپتادا باستالعان سۋ تاسقىنى سالدارىنان 700 گە جۋىق ءۇي سۋ استىندا قالدى. تاسقىن كەزىندە 2 مىڭعا جۋىق ادام ەۆاكۋاتسيالاندى.
اۆتور: التىناي ساعىندىقوۆا
